Дуулал

ДУУЛАЛ 92

Бурханы энэрэлд талархахуй
Дуулал. Амралтын өдөрт зориулсан дуу.

92 ¹ Аяа Хамгийн Дээд Нэгэн,
ЭЗЭНд талархлыг өргөн
Таны нэрд магтан дуулах нь сайн.
² Өглөө Таны хайр энэрлийг,
Шөнөөр Таны үнэнийг
³ Арван утаст ятга болон босоо

 ятгаар,
Ятгын ая дуугаар тунхаглах нь

 сайн.
⁴ Учир нь ЭЗЭН Та үйлсээрээ
Намайг баярлуулсан бөгөөд
Би Таны гарын бүтээлүүдийг
Баясгалантайгаар дуулна.
⁵ Аяа ЭЗЭН, Таны үйлс

 хичнээн аугаа вэ!
Таны бодлууд гүн гүнзгий юм.
⁶ Бодлогогүй хүн үүнийг мэдэхгүй,
Тэнэг хүн түүнийг ухаарахгүй.
⁷ Гэм буруутан өвс шиг соёолж,
Ёс бусыг үйлдэгчид

 бүгд цэцэглэх нь
Тэд мөнхөд устгагдахын

 тулд ажгуу.
⁸ Харин ЭЗЭН Та мөнхөд
Эрхэм дээд билээ.
⁹ Учир нь үзтүгэй ЭЗЭН, Таны

 дайснууд,
Учир нь үзтүгэй, Таны дайснууд

 сөнөнө.
Ёс бусыг үйлдэгчид
Бүгд тараагдах болно.
¹⁰ Харин Та эврийг минь
Зэрлэг үхрийнх мэт өргөмжилсөн.
Та над дээр шинэхэн тос цутгасан.
¹¹ Нүд минь миний дайснуудын

 уналыг харж,
Чих минь миний эсрэг мууг

 үйлдэгчдийн сүйрлийг

 сонсдог.
¹² Зөвт хүн далдуу мод шиг

 цэцэглэж,
Ливан дахь хуш мод шиг ургана.
¹³ ЭЗЭНий өргөөнд тэд суулгагдаж
Бурханы маань хүрээнүүдэд

 тэд цэцэглэнэ.
¹⁴ Тэд хөгширсөн ч жимс гаргана.
Тэд шүүслэг ба ногоон байна.
¹⁵ Энэ нь ЭЗЭН чигч шударга

 гэдгийг
тунхаглахын тулд юм.

Тэр хад минь бөгөөд
Түүн дотор зөвт бус юм гэж үгүй.