Дуулал

ДУУЛАЛ 81

Зөрүүд Израильд хандсан

 Бурханы уриалга
Удирдаачид: Гит дээр.

Асафын дуулал.

81 ¹ Бидний хүч болох Бурханд
Баясгалантайгаар дуулагтун.
Иаковын Бурханд
Хөөрөн хашхирагтун.
² Дуу өргөж, товшуур цохиж,
Сонсголонт ятгыг
босоо ятгатай хамт дуугарга.
³ Бидний баярын өдөр, шинэ сар,
Тэргэл сартайд бүрээ үлээгтүн!
⁴ Учир нь Израильд зориулсан

 зарлиг,
Иаковын Бурханы шийдвэр энэ юм.

⁵ Тэрээр Египет нутаг даяар

 явахдаа
Иосефын дотор

 гэрчлэлийг тогтоосон.
Тэгэхэд би мэдэхгүй хэлээ сонсов.
⁶ “Би мөрнөөс нь ачааг буулгаж,
Гарыг нь сагснаас чөлөөлөв.
⁷ Зовлон шаналан дотор
Чи хашхирсан бөгөөд
Би чамайг мултруулав.
Аянгын нууц газраас

 чамд хариу өгч
Чамайг Мерибагийн усны дэргэд

 Би туршсан.                                          Села
⁸ Хүмүүс ээ, Намайг та нарт
гэрчилж байхад сонсогтун.
Израиль аа, чи Намайг

 сонссон ч болоосой!
⁹ Дунд чинь гаднын бурхан

 бүү байг.
Харийн бурханд бүү мөргө, та

 нар.
¹⁰ Египет нутгаас та нарыг удирдан

 гаргасан
ЭЗЭН Бурхан чинь Би юм.
Амаа том ангайлга,
Би дүүргэе.
¹¹ Гэвч Миний хүмүүс дууг минь

 сонссонгүй
Израиль ч Намайг дагасангүй.
¹² Иймээс Би тэднийг

 зоргоор нь явуулахын тулд
Зүрхнийх нь зөрүүдлэлд тушаав.
¹³ Хүмүүс минь Намайг сонсож,
Израиль Миний замаар

 явсан ч болоосой!
¹⁴ Тэгвээс Би дайснуудыг нь

 хурдан дарж,
Мутраа өстнүүдийнх нь эсрэг

 эргүүлэх байсан
¹⁵ ЭЗЭНийг үзэн ядагсад
Түүнд сөхрөн бөхийх байсан

 бөгөөд
Тэдний цаг мөнхөд үргэлжлэхсэн.
¹⁶ Тэр тэднийг дээд зэргийн
буудайгаар хооллохсон.
Хад чулуунаас зөгийн бал гаргаж
Би та нарыг хангах байсан”