Дуулал

ДУУЛАЛ 115

Бурхан ба шүтээний ялгаа

115 ¹ Бидэнд биш, өө ЭЗЭН,

 бидэнд биш,
Энэрэл хайр ба үнэнийхээ төлөө
Өөрийнхөө нэрд л алдрыг өргө.
² Үндэстнүүд юунд

“Тэдний Бурхан одоо

 хаана байна вэ?”

 гэх ёстой вэ?
³ Бурхан маань тэнгэрт байдаг.
Тэр хүссэн бүхнээ үйлддэг.
⁴ Тэдний шүтээнүүд гэвээс

 мөнгө ба алт,
Хүний гарын бүтээл буюу.
⁵ Амтай боловч ярьдаггүй
Нүдтэй боловч хардаггүй
⁶ Чихтэй боловч сонсдоггүй
Хамартай боловч үнэрлэдэггүй
⁷ Гартай боловч тэмтэрдэггүй
Хөлтэй боловч алхдаггүй
Хоолойгоороо ч дуу гаргадаггүй.
⁸ Тэдгээрийг бүтээгчид,
Тэдэнд итгэгч бүгд
тэдэнтэйгээ адил буюу.
⁹ Израиль аа, ЭЗЭНд итгэгтүн.
Тэдний тусламж, тэдний бамбай нь

 Тэр юм.
¹⁰ Аароны гэр ээ, ЭЗЭНд итгэгтүн.
Тэдний тусламж, тэдний бамбай нь

 Тэр юм.
¹¹ ЭЗЭНээс эмээгчид ээ,
ЭЗЭНд итгэгтүн.
Тэдний тусламж, тэдний бамбай нь

 Тэр юм.
¹² ЭЗЭН биднийг санасаар ирсэн,
Тэр ерөөнө.
Израилийн гэрийг ерөөнө.
Аароны гэрийг ч бас ерөөнө.
¹³ ЭЗЭНээс эмээгсдийг
Их багагүй хамтад нь

 Тэр ерөөнө.
¹⁴ ЭЗЭН та нарыг,
Та нар дээр та нарын

 хүүхдүүдийг ч
улам нэмэх болтугай.
¹⁵ Тэнгэр газрыг бүтээгч ЭЗЭНээс
Та нар ерөөл хүртэх болтугай.
¹⁶ Тэнгэрс бол ЭЗЭНий тэнгэрс,
Харин дэлхийг Тэрээр

 хүний хөвгүүдэд өгчээ.
¹⁷ Үхэгсэд, анир чимээгүй уруу

 одогсод
ЭЗЭНийг магтдаггүй.
¹⁸ Харин бид өдгөөгөөс өнө мөнхөд
ЭЗЭНийг магтана.
ЭЗЭНийг магтагтун!