Дуулал

ДУУЛАЛ 119

Бурханы хуулийн яруу алдар

119 ¹ Явдал үйл нь гэм зэмгүй агаад
ЭЗЭНий хуулиар явагсад
Юутай ерөөлтэй вэ!
² Түүний гэрчлэлүүдийг сахин
Түүнийг бүхий л зүрхээрээ хайгсад
Юутай ерөөлтэй вэ!
³ Шударга бусыг эс үйлдэнэ.
Түүний замаар явна.
⁴ Биднийг хичээнгүйлэн сахь гэж
Тушаалуудаа Та

 тогтоосон билээ.
⁵ Зарлигуудыг тань сахих
Замууд минь бат тогтог!
⁶ Таны бүх тушаалыг

 анхаарч явахад
Ичгүүр надад эс ирнэ.
⁷ Таны зөвт шүүхээс сурах үедээ
Би шулуун шударга зүрхээр
Танд талархах болно.
⁸ Таны зарлигуудыг сахин

 биелүүлэх билээ.
Намайг хэзээ ч бүү орхиоч!
⁹ Залуу хүн зам мөрөө
Хэрхэн цэврээр хадгалах вэ?
Таны үгийн дагуу

 сахиснаар билээ.
¹⁰ Бүхий л зүрхээрээ би
Таныг эрэн хайсан.
Тушаалаас тань холдон төөрөхийг
Надад бүү зөвшөөрөөч!
¹¹ Таны эсрэг нүгэл хийхгүйн тулд
Үгийг тань зүрхэндээ би хадгалав.
¹² Аяа ЭЗЭН, Та ерөөлтэй еэ!
Зарлигуудаа надад заагаач.
¹³ Таны амнаас гарсан бүх тогтоолыг
Би уруулаараа тунхагласан.
¹⁴ Би бүх баялагт баясдагтай адил
Таны гэрчлэлүүдийн замд баясдаг.
¹⁵ Би тушаалуудыг тань бясалгаж,
Таны замуудыг эргэцүүлэх болно.
¹⁶ Би Таны зарлигуудад баярлана.
Би Таны үгийг мартахгүй.
¹⁷ Намайг амьд байлгаж,
Таны үгийг сахин

 биелүүлүүлэхийн тулд

Зарцдаа өгөөмөр хандаач!
¹⁸ Таны хуулийн

 гайхамшигт зүйлсийг

Надад харуулахаар

 нүдийг минь нээгээч!
¹⁹ Би газар дэлхийд ирмэл хүн билээ.
Өөрийнхөө тушаалуудыг

 надаас бүү нуугаач!
²⁰ Таны тогтоолуудыг цаг үргэлж

 хүсэн тэмүүлсээр
Сэтгэл минь шаналж байна.
²¹ Таны тушаалаас салан төөрдөг
Бардам, хараал хүртсэн хүнийг
Та зэмлэдэг.
²² Буруутгал ба доромжлолыг
надаас зайлуулаач.
Учир нь Таны гэрчлэлүүдийг би

 сахидаг.
²³ Ноёд сууж, миний эсрэг хэлэлцдэг

 ч гэсэн
Таны зарц зарлигуудыг тань

 бясалгадаг.
²⁴ Таны гэрчлэлүүд мөн миний

 баясал,
Миний зөвлөгчид юм.
²⁵ Сэтгэл минь тоос шороонд

 дарагдав.
Үгийнхээ дагуу намайг сэргээгээч!
²⁶ Явдлуудынхаа тухай Тандаа ярихад
Та хариулсан билээ.
²⁷ Зарлигуудаа надад заагаач!
Тушаалуудынхаа замуудыг

 надад ухааруулаач.
Тэгвэл би Таны гайхамшгуудыг

 бясалгана.
²⁸ Гашуудлаас болж сэтгэл минь

 уйлна.
Үгийнхээ дагуу намайг

 хүчжүүлээч!
²⁹ Худал хуурмаг замыг

 надаас зайлуулж,
Хуулиа надад
Нигүүлсэнгүйгээр хүртээгээч!
³⁰ Үнэний замыг би сонгож
Өмнөө би тогтоолуудыг тань

 тавьсан.
³¹ Гэрчлэлүүдээс тань би зуурна.
ЭЗЭН, намайг ичгүүрт бүү унагаач!
³² Та зүрхийг минь уужруулах учир
Тушаалуудын тань замаар би

 гүйх болно.
³³ Аяа ЭЗЭН, зарлигуудынхаа
ёс журмыг надад заагаач!
Эцэс хүртэл түүнийг мөрдье,
³⁴ Хуулийг тань мөрдөж,
Бүхий л зүрхээр сахин

 биелүүлэхийн тулд
Ухаарал юугаа наддаа хайрлаач!
³⁵ Тушаалуудынхаа жимээр

 намайг алхуулаач!
Түүнд би баярладаг билээ л.
³⁶ Зүрхийг минь олз уруу бус,
Гэрчлэлдээ хандуулаач!
³⁷ Хуурмаг хоосныг харахаас
Хоёр нүдийг минь эргүүлэн
Өөрийн замд намайг сэргээгээч!
³⁸ Танаас эмээх айдсыг төрүүлдэг.

Өөрийн үгийг зарцдаа бататгаач!
³⁹ Тогтоолууд тань сайн тул
Айдаг буруутгалыг минь

 надаас зайлуулаач!
⁴⁰ Харагтун, би тушаалуудыг тань

 хүсэмжилж байна.
Зөв шударгаараа намайг сэргээгээч!
⁴¹ Аяа ЭЗЭН, хайр энэрэл тань,
Таны үгийн дагуу аврал тань

 надад ирэх болтугай.
⁴² Тэгвэл намайг буруутгадаг хүнд
Хариулах үг надад бий болно.
Учир нь би Таны үгэнд

 итгэдэг юм.
⁴³ Үнэний үгийг амнаас минь
бүрмөсөн бүү аваач!
Учир нь би Таны тогтоолуудыг

 хүлээдэг билээ.
⁴⁴ Ингэх аваас хуулийг тань үргэлж,
Мөнхийн мөнхөд би сахина.
⁴⁵ Тушаалуудыг тань хайдаг тул
Би чөлөөтэй алхах болно.
⁴⁶ Таны гэрчлэлүүдийг би
Хаадын өмнө бас ярих агаад
үл ичнэм.
⁴⁷ Тушаалуудад тань хайртай тул

Тушаалуудад тань би баясах

болно.
⁴⁸ Тушаалуудад тань хайртай тул
Тушаалууд уруу тань гараа өргөж,
Зарлигуудыг тань бясалгана.
⁴⁹ Таны, надад найдварыг өгсөн,
Өөрийн зарцад хандуулсан үгийг

санаач!
⁵⁰ Таны үг намайг сэргээсэн нь
Миний зовлон зүдүүрийн дундах

тайвшрал минь юм.
⁵¹ Бардам хүн

намайг ихэд тохуурхдаг,
Гэсэн ч би Таны хуулиас няцахгүй.
⁵² Аяа ЭЗЭН, би
Таны эртний тогтоолуудыг

санаад бас тайтгарлаа.
⁵³ Таны хуулийг  огоорсон

гэм буруутнаас болж
Шатам их зэвүүцэл

намайг барьж авлаа.
⁵⁴ Миний аян замын өргөөнд
Таны зарлигууд миний дуу юм.
⁵⁵ Аяа ЭЗЭН, би Таны нэрийг

шөнө санаж,
Таны хуулийг сахив.
⁵⁶ Тушаалуудыг тань биелүүлэх нь
Миний ерөөл болсон юм.
⁵⁷ ЭЗЭН миний хувь юм.
Би Таны үгийг

сахин биелүүлэхээр

амласан билээ.
⁵⁸ Бүхий л зүрхээр Таны ивээлийг
Би хайсан билээ.
Үгийнхээ дагуу надад
нигүүлсэнгүй байгаач.
⁵⁹ Би замуудаа тунгаан бодож,
Хөлөө Таны гэрчлэлүүд уруу

эргүүлсэн.
⁶⁰ Тушаалуудыг тань

сахин биелүүлэхээр
Яаравчилсан бөгөөд
Үүнийгээ би

хойшлуулаагүй билээ.
⁶¹ Буруутуудын уяа намайг хэрсэн ч
Хуулийг тань би мартаагүй билээ.
⁶² Тогтоолууд тань шударга тул
Тандаа талархахаар би
шөнө дунд ч босох болно.
⁶³ Танаас эмээдэг бүх хүн хийгээд
Таны тушаалуудыг биелүүлдэг

хүмүүсийн
Анд нөхөр нь би билээ.
⁶⁴ Аяа ЭЗЭН, газар дэлхий
Таны хайр энэрлээр дүүрэн
Зарлигуудаа надад заагаач!
⁶⁵ Аяа ЭЗЭН, Та үгийнхээ дагуу
Өөрийн зарцад сайнаар хандсан

билээ.

Бошиг зарлигийнхаа сайныг

бас мэдлэгийг заагаач!
⁶⁷ Зовж шаналахынхаа өмнө би
Буруу зүгт явсан байжээ.
Харин одоо би Таны үгийг

сахин биелүүлдэг.
⁶⁸ Та сайн бөгөөд

сайныг үйлддэг билээ.
Зарлигуудаа надад заагаач!
⁶⁹ Бардам хүн миний эсрэг

гүтгэлэг зохиодог.
Би бүхий л зүрхээр

тушаалуудыг тань биелүүлнэ.
⁷⁰ Тэдний зүрх сэтгэл хатуурсан,
Харин би Таны хуульд баясдаг.
⁷¹ Миний зовон шаналсан нь,
Таны зарлигуудыг

сурах болсон нь
надад тустай.
⁷² Таны амнаас гарсан хууль надад
Мянга мянган алт мөнгөнөөс ч

хавьгүй илүү юм.
⁷³ Таны мутар намайг

урлан бүтээсэн юм.
Тушаалуудаа надад сургахын тулд
намайг ухааруулж өгөөч.
⁷⁴ Би Таны үгийг хүлээдэг учраас
Танаас эмээгчид намайг хараад,

баярлах болтугай.
⁷⁵ Аяа ЭЗЭН, Таны шүүлтүүд

зөв шударга бөгөөд
Та итгэмж дотроо намайг
Зовоон шаналгасан гэдгийг

би мэднэ.
⁷⁶ Таны зарцдаа хэлсэн үгийн дагуу

Хайр энэрэл тань намайг

тайтгаруулах болтугай
⁷⁷ Намайг амьд байлгахаар
Өршөөл тань надад ирэг.
Учир нь хууль тань

миний баясгалан юм.
⁷⁸ Намайг худал хуурмагаар

завхруулсан учраас
Бардам хүмүүс ичих болтугай.
Харин би тушаалуудыг тань

бясалгана.
⁷⁹ Танаас эмээдэг,
Таны гэрчлэлүүдийг

мэддэг хүмүүс
Над уруу эргэх болтугай.
⁸⁰ Намайг ичгүүрт

оруулахгүйн тулд
Зүрх минь Таны зарлигууд дотор
Гэм зэмгүй байх болтугай.

⁸¹ Сэтгэл минь Таны авралыг

хайсаар сульддаг.
Үгийг тань би хүлээдэг.
⁸² “Та намайг хэзээ тайтгаруулах вэ?”

гэж намайг хэлэхэд
Таны үгийн төлөө нүд минь

гархилдаг.
⁸³ Хэдийгээр би утаан доторх хөхүүр

шиг болсон ч гэсэн
Зарлигуудыг тань би мартдаггүй.
⁸⁴ Таны зарцын өдрүүд хэд вэ?
Намайг хавчдаг хүмүүст Та
Хэзээ шүүлтийг гүйцэтгэх вэ?
⁸⁵ Таны хуулийг үл дагагчид болох
Бардам хүмүүс надад нүх ухжээ.
⁸⁶ Таны хамаг тушаалууд

итгэлтэй юм.
Тэд намайг худал хуурмагаар

хавчсан юм.
Надад туслаач!
⁸⁷ Тэд намайг газар дэлхий дээр

бараг хороожээ,
Гэвч би тушаалуудыг тань

огоороогүй.
⁸⁸ Амнаас тань гарах гэрчлэлийг
Надаар сахиулахын тулд
Хайр энэрлийнхээ дагуу

намайг сэргээгээч!
⁸⁹ Аяа ЭЗЭН, үг тань тэнгэрт
Мөнхөд бат тогтжээ.
⁹⁰ Үнэн тань үеийн үед

үргэлжилмүй.
Та дэлхийг бий болгосон бөгөөд

тэр байсаар амуй.
⁹¹ Тогтоолуудын тань дагуу
Эд бүгд эдүгээ бат зогсжээ.
Учир нь бүх юмс Таны боол билээ.
⁹² Таны хууль миний баясгалан

байгаагүйсэн бол
Зовлон зүдүүр дотроо би

мөхөх байлаа.
⁹³ Тушаалуудыг тань хэзээ ч

үл мартана, би.
Үүгээрээ намайг

сэргээсэн билээ, Та.
⁹⁴ Би Таных билээ, намайг авраач.
Учир нь би тушаалуудыг тань

эрэн хайсан юм.
⁹⁵ Буруутууд намайг устгахаар

отон хүлээдэг.
Гэрчлэлүүдийг тань би

гүн тунгаана.
⁹⁶ Би бүх төгс төгөлдөр юманд

зах хязгаарыг тавьсан ч
Таны тушаал хэмжээлшгүй

өргөн дэлгэр ажээ.
⁹⁷ Хуулийг тань би юутай их

хайрладаг билээ!
Тэр нь бүхий л өдөржингөө

миний бясалгал байдаг.
⁹⁸ Тушаалууд тань намайг
Дайснуудаас минь илүү

мэргэн болгодог.
Тэр нь үргэлж надтай хамт байдаг.
⁹⁹ Гэрчлэлүүд тань миний

бясалгал учир
Багш нараасаа илүү

ухаалаг болов, би.
¹⁰⁰ Тушаалуудыг тань

сахин биелүүлсэн учраас
Настангуудаас ч илүү

ойлгон ухаарав, би.
¹⁰¹ Үгийг тань сахин биелүүлэхийн

тулд
Бүх буруу муу замаас би

хөлөө татсан.
¹⁰² Та Өөрөө надад заасан учир
Таны тогтоолуудаас би гажаагүй.
¹⁰³ Таны үг амтлахад минь

ямар чихэрлэг вэ!
Миний аманд зөгийн балаас ч

илүү чихэрлэг!
¹⁰⁴ Таны тушаалуудаас би

ухаарлыг авдаг.
Тиймээс би худал хуурмаг явдал

бүрийг үзэн яддаг билээ.

¹⁰⁵ Таны үг миний хөл дэх дэнлүү,
Миний зам дахь гэрэл.
¹⁰⁶ Таны зөв шударга тогтоолуудыг

сахин биелүүлнэ гэж

Би тангараг тавьсан бөгөөд

түүнийгээ ч батлах болно.
¹⁰⁷ Би хэмжээлшгүй ихээр

зовж зүдэрсэн.
Аяа ЭЗЭН, үгийнхээ дагуу

намайг сэргээгээч.
¹⁰⁸ Аяа ЭЗЭН, амнаас минь гарах

сайн дурын өргөлийг

хүлээн авч,
Тогтоолуудаа надад заагаач.
¹⁰⁹ Амь насанд минь аюул

нүүрлэсээр байна.
Гэсэн ч би хуулийг тань

мартдаггүй билээ.
¹¹⁰ Буруу санаатнууд намайг хорлохоор

урхи тавьсан ч
Тушаалуудаас тань би гажаагүй.
¹¹¹ Зүрхнийхээ баясгалан болгохоор
Гэрчлэлүүдийг тань би мөнхөд

өв болгон авав.
¹¹² Зарлигуудыг тань

гүйцэлдүүлэхээр
Зүрх юугаа би мөнхөд,

эцэс хүртэл зориулсан.
¹¹³ Хоёр санаатай хүмүүсийг би

үзэн яддаг,
Хуульд тань харин хайртай.
¹¹⁴ Та миний хоргодох газар ба

миний бамбай
Би Таны үгэнд найдан хүлээдэг.
¹¹⁵ Ёрын мууг үйлдэгчид ээ,

надаас холдогтун,
Би Бурханыхаа тушаалуудыг

сахин биелүүлнэ.
¹¹⁶ Намайг амьд байлгахын тулд
Үгийнхээ дагуу намайг

дэмжин тэтгээч.
Намайг найдвараас минь болж
Ичгүүрт бүү оруулаач.
¹¹⁷ Би аюулгүй байж,
Таны зарлигуудыг үргэлж

анхаарахын тулд
Намайг тэтгээч.
¹¹⁸ Зарлигуудаас тань

төөрөлдөн одогсдыг
Та бүгдийг нь голсон агаад
Тэдний ов мэх ч

дэмий хоосон билээ.
¹¹⁹ Дэлхийн бүх буруутыг
Та хог шавхруу шиг

хөсөр хаясан.
Тиймээс Таны энэхүү

гэрчлэлүүдийг
Би хайрласан.
¹²⁰ Бие махбод минь Танаас эмээхдээ

чичирдэг бөгөөд
Би Таны шүүлтүүдээс айнам.
¹²¹ Шударга ёс ба үнэн зөвийг

би үйлддэг тул
Дарлагсдад маань намайг бүү

тушаагаач.
¹²² Өөрийн зарцад сайны төлөөх

баталгаа болооч.

¹²³ Нүд минь Таны

авралын төлөө хийгээд
Таны зөв шударга үгийн төлөө

гархилан сульддаг.
¹²⁴ Хайр энэрлийнхээ дагуу

зарцдаа хандаж,
Зарлигуудаа надад заагаач.
¹²⁵ Зарц тань билээ би.
Гэрчлэлүүдийг тань

мэддэг байхын тулд

Ухаарлыг надад өгөөч.
¹²⁶ Тэд хуулийг тань зөрчсөн тул
ЭЗЭН, Таны ажиллах цаг

ирчихээд байна.
¹²⁷ Иймээс би Таны тушаалуудад
Алтнаас ч, шижир алтнаас ч

илүүгээр хайртай юм.
¹²⁸ Тиймээс би аливаа тогтоолуудыг

зөвд тооцдог бөгөөд
Би аливаа худал хуурмаг явдлыг

үзэн яддаг юм.
¹²⁹ Таны гэрчлэлүүд гайхамшигтай

учир
Сэтгэл минь тэдгээрийг сахидаг.
¹³⁰ Таны үгсийн тунхаглал

гэгээрүүлж,
Гэнэн хүмүүст ухаарлыг

хайрладаг.
¹³¹ Тушаалуудыг тань хүсэн тэмүүлж
Амаа би байдгаар нь том ангайв.
¹³² Нэрийг тань хайрлагсдад

үйлддэг шигээ
Над уруу эргэж,

намайг нигүүлсээч.
¹³³ Алхмуудыг минь

үгэн дээрээ тогтоож,
Ямар ч ёс бус нь намайг

ноёрхохыг
Бүү зөвшөөрөөч.
¹³⁴ Тушаалуудыг тань

сахимаар байна.
Хүний дарлалаас намайг золиоч.
¹³⁵ Өөрийн нүүр царайг

зарцынхаа дээгүүр гийгүүлж,
Зарлигуудаа надад заагаач!
¹³⁶ Таны хуулийг

сахин биелүүлдэггүй учир
Нүд минь усны урсгал мэт

нулимсыг урсгана.

¹³⁷ Аяа ЭЗЭН, Та шударга бөгөөд
Таны шүүлтүүд чигч шударга
¹³⁸ Та зөв шударга ба үнэн итгэмж

дотор
Өөрийн гэрчлэлүүдийг

тушаасан билээ.
¹³⁹ Миний өстнүүд
Таны үгсийг мартсан учраас
Хичээл зүтгэл минь намайг

үгүй болгожээ.
¹⁴⁰ Таны үг маш цэвэр тунгалаг

билээ.
Тиймээс Таны зарц

түүнийг хайрладаг юм.

 ¹⁴¹ Дорд болж, үзэн ядагдсан ч,
Тушаалуудыг тань би мартаагүй.
¹⁴² Зөв шударга тань мөнхийнх
Таны хууль үнэн.
¹⁴³ Шаналал шахалт надад

тохиолдсон ч,
Тушаалууд тань

баясал минь билээ.
¹⁴⁴ Таны гэрчлэлүүд мөнхөд

зөв шударга ажгуу.
Намайг амьд байлгахын тулд
Надад ухаарлыг хайрлаач.
¹⁴⁵ Зүрхнийхээ угаас би

дуудан хашхирна.
Аяа ЭЗЭН, надад хариулаач!
Зарлигуудыг тань би

сахин биелүүлнэ.
¹⁴⁶ Таныгаа би дуудан хашхирна,
Намайгаа авраач.
Тэгвэл Таны гэрчлэлүүдийг
Би биелүүлэх болно.
¹⁴⁷ Үүр цайхаас өмнө босож,
Тусламж гуйн хашхирдаг билээ,

би.
Үгсийг тань хүлээдэг билээ, би.
¹⁴⁸ Үгийг тань тунгаахын тулд
Шөнийн манааны өмнө би нүдээ
нээдэг.
¹⁴⁹ Хайр энэрлийнхээ ёсоор
Дуу хоолойг минь сонсооч!
Аяа ЭЗЭН, тогтоолуудынхаа дагуу
намайг сэргээгээч!
¹⁵⁰ Булай явдлыг дагагчид

ойртон ирж байна.
Тэд Таны хуулиас хол билээ.
¹⁵¹ Өө ЭЗЭН, Та ойрхон бөгөөд
Таны хамаг тушаалууд ч үнэн

билээ.
¹⁵² Би эрт үеэс Таны гэрчлэлүүдээс
Та тэднийг мөнхөд

бий болгосныг мэдсэн билээ.

¹⁵³ Миний зовлон зүдүүрийг харж,

намайг авраач!
Хуулийг тань би

мартдаггүй билээ.
¹⁵⁴ Миний хэргийг өмгөөлж,

намайг золиоч!
Үгийнхээ дагуу намайг сэргээгээч!
¹⁵⁵ Аврал буруутуудаас хол байдаг.
Зарлигуудыг тань тэд

эрж хайдаггүй.
¹⁵⁶ Аяа ЭЗЭН, Таны өршөөлүүд

агуу их юм.
Тогтоолуудынхаа дагуу

намайг сэргээгээч!
¹⁵⁷ Намайг хавчигсад ба өстнүүд

олон боловч
Гэрчлэлүүдээс тань би гаждаггүй.
¹⁵⁸ Ов мэхтнүүдийг хараад,
Би жигшдэг билээ.
Үгийг тань тэд

сахин биелүүлдэггүй.
¹⁵⁹ Таны тушаалуудыг
Хэрхэн хайрлаж буйг минь

хараач.
Аяа ЭЗЭН, хайр энэрлийнхээ

ёсоор
Намайг сэргээгээч!
¹⁶⁰ Таны үгийн нийлбэр нь

үнэн бөгөөд
Таны зөв шударга тогтоол бүхэн

нь мөнхийнх юм

¹⁶¹ Ноёд намайг шалтгаангүйгээр

 хавчдаг,
Харин зүрх минь Таны үгнээс л

 сүрддэг.
¹⁶² Их олз олсон хүн шиг
Би Таны үгэнд баясдаг.
¹⁶³ Би худал хуурмагийг

 үзэн ядаж жигшдэг,
Харин хуулийг тань би хайрладаг.
¹⁶⁴ Таны зөв шударга тогтоолуудын

 улмаас
Би өдөрт долоон удаа

 Таныг магтдаг.
¹⁶⁵ Таны хуулийг хайрлагчид агуу

 амар амгалан байдаг бөгөөд
Тэднийг бүдрүүлэх зүйл ч

 байдаггүй.
¹⁶⁶ Аяа ЭЗЭН, би Таны авралд

 найддаг бөгөөд

Таны тушаалуудыг биелүүлдэг.
¹⁶⁷ Сэтгэл минь Таны гэрчлэлүүдийг

сахидаг бөгөөд
Тэдэнд би хэмжээлшгүй их

хайртай.
¹⁶⁸ Тушаалууд ба гэрчлэлүүдийг тань

би сахидаг нь
Бүх явдал минь Таны өмнө

ил байдагт юм.

¹⁶⁹ Аяа ЭЗЭН, миний дуудан

хашхирах дуу
Таны өмнө хүрэг
Үгийнхээ дагуу надад

ухаарлыг хайрлаач!
¹⁷⁰ Миний гуйлтыг

Өөрийн өмнө ирүүлээч!
Үгийнхээ дагуу намайг авраач!
¹⁷¹ Та надад зарлигуудаа

заадаг учраас
Уруул минь магтаалыг гаргаг.
¹⁷² Таны бүх тушаал

зөв шударга учраас
Хэл минь Таны үгийн талаар

дуулаг.
¹⁷³ Тушаалуудыг тань би

сонгосон учир
Мутар тань надад туслахад бэлэн

болог.
¹⁷⁴ Аяа ЭЗЭН, авралыг тань
би хүсэн тэмүүлнэм.
Хууль тань миний баясал билээ.
¹⁷⁵ Таныг магтахын тулд
сэтгэлийг минь амьд байлгаач!
Таны тогтоолууд надад туслаг.
¹⁷⁶ Алдагдсан хонь мэт төөрөв,

би.
Зарц юугаа хайн олооч.
Тэгэх аваас тушаалуудыг тань

Үл мартнам билээ, би.