ДУУЛАЛ 110
Тахилч хааны ялалтын баталгаа
Давидын дуулал.
110 1 ЭЗЭН миний Эзэнд
“Би чиний дайснуудыг
хөлийн чинь гишгүүр болготол
Миний баруун гарт залрагтун”
гэв.
2 ЭЗЭН, Сионоос хүч чадлын
очирт таягийг тань сунгана.
Дайснуудынхаа дунд захирагтун.
3 Ариун ууландаа Та
Өөрийнхөө хүчнийг
дагуулах өдөр
Таны ард түмэн сайн дураараа
Өөрсдийгөө өргөх болно.
Үүрийн хаяанаас шүүдэр мэт
Таны залуучууд Танд ирнэ.
4 ЭЗЭН тангарагласан бөгөөд
санаагаа өөрчлөхгүй.
“Мелхизедекийн хэргэмийн
дагуу
Чи мөнхийн тахилч юм” гэв.
5 Баруун гар талд чинь Эзэн байна.
Хилэнгийнхээ өдөр Тэрээр
хаадыг бут цохино.
6 Тэрээр үндэстнүүдийн дундахыг
шүүж,
Хүүрээр дүүргэнэ.
Өргөн уудам орны тэргүүнүүдийг
Тэрээр хага цохино.
7 Тэрээр зам дахь горхиноос
ундаална
Тэрээр тэргүүнээ
дээш өргөх болно.