ДУУЛАЛ 112
Зөвтийн ерөөл
112 1 ЭЗЭНийг магтагтун!
ЭЗЭНээс эмээдэг,
Тушаалуудад нь ихэд баярладаг
хүн
Юутай ерөөлтэй!
2 Үр удам нь дэлхий дээр
хүчтэй болно.
Чигч шударгын хойч үеийнхэн
ерөөгдөнө.
3 Гэрт нь хөрөнгө баялгууд байна.
Зөвт байдал нь мөнхөд тогтоно.
4 Нигүүлсэнгүй, өрөвч, зөвт
Чигч шударга хүмүүсийн төлөө
Харанхуйд гэрэл цацарна.
5 Нигүүлсэнгүй бөгөөд
зээлдүүлдэг хүн
сайн байна.
Тэрээр шүүхэд
хэргээ батлах болно.
6 Тэрээр хэзээ ч ганхахгүй.
Зөвт хүн мөнхөд дурсагдах болно.
7 Тэрээр муу мэдээнээс айхгүй.
ЭЗЭНд итгэн
түүний зүрх бат болой.
8 Зүрх нь гуйвшгүй.
Тэрээр өстнүүдээ харахдаа ч
хүртэл айхгүй.
9 Тэрээр тараасан,
ядууст өгсөн бөгөөд
Түүний зөвт байдал мөнхөд байна.
Түүний эвэр хүндэтгэлтэйгээр
өргөмжлөгдөнө.
10 Гэм буруутан хараад унтууцна.
Тэрээр шүдээ хавиран
устаж үгүй болно.
Гэм буруутнуудын шунал
тийнхүү сөнөнө.