Дуулал

ДУУЛАЛ 24

ЭЗЭНий өргөөний үүд
Давидын дуулал.

24 ¹ Газар хийгээд түүнийг

 дүүргэдэг бүхэн,
Дэлхий хийгээд түүнд

 оршигч бүгд
ЭЗЭНийх юм.
² Учир нь Тэрээр далайнууд дээр

 түүнийг суурилуулж,
Гол мөрнүүд дээр

 түүнийг байгуулжээ.
³ ЭЗЭНий уул өөд

 хэн авирч болох вэ?
Ариун газарт нь

 хэн зогсож болох вэ?
⁴ Цэвэр гартай, ариун зүрхтэй,
Хуурмаг хоосонд

 сэтгэлээ өргөөгүй,
Худал тангараг тавиагүй нь буюу.
⁵ Тэрээр ЭЗЭНээс ерөөлийг,
Авралынхаа Бурханаас
Зөвт байдлыг хүртэх болно.
⁶ Энэ нь Түүнийг хайгчдын үе юм
Иаковын Бурхан,
Таны царайг хайгчдын үе юм.                                                                                   Села
⁷ Сүр жавхлангийн Хаан орж ирлээ,
Гулдан хаалганууд аа,

 толгойгоо өргөж,
Мөнхийн үүднүүд ээ, өргөгдөгтүн!
⁸ Сүр жавхлангийн энэ Хаан

 хэн бэ?
Хүчтэй, чадалтай ЭЗЭН,
Тулалдаанд чадалтай ЭЗЭН буюу.
⁹ Сүр жавхлангийн Хаан орж

 ирэхийн тулд
Гулдан хаалганууд аа,

 толгойгоо өргөж,
Мөнхийн үүднүүд ээ, өргөгдөгтүн!
¹⁰ Сүр жавхлангийн энэ Хаан

 хэн бэ?
Түг түмдийн ЭЗЭН,
Тэрээр сүр жавхлангийн Хаан болой.                                                              Села