Дуулал

ДУУЛАЛ 29

Бурханы дуу хоолой
Давидын дуулал.

29 ¹ Тэнгэрлэг биес ээ,
ЭЗЭНд өгөгдөгтүн!
Алдар хийгээд хүч чадал нь
ЭЗЭНд өгөгдөгтүн!
² Нэрийнх нь улмаас
Алдар нь ЭЗЭНд өгөгдөг!
Ариун хувцсыг өмсөнr
ЭЗЭНд мөргөгтүн!
³ ЭЗЭНий дуу хоолой
Усан дээгүүр байх ажгуу.
Алдрын Бурхан нүргэлмүй.
Их усан дээгүүрх ЭЗЭН буюу.
⁴ ЭЗЭНий дуу хоолой хүчтэй,
ЭЗЭНий дуу хоолой сүр

 жавхлантай.
⁵ ЭЗЭНий дуу хоолой хуш модыг ч

 хугалдаг.
Тийм ээ, ЭЗЭН
Ливаны хуш модыг зомгол болгодог.
⁶ Ливаныг тугал шиг,
Сирионыг зэрлэг үхрийн тугал

 шиг
Тэрээр оодгонуулдаг билээ.
⁷ ЭЗЭНий дуу хоолой
Галын дөлийг салгамуй.
⁸ ЭЗЭНий дуу хоолой
Цөл газрыг чичрүүлмүй.
ЭЗЭН, Кадешийн цөлийг

 чичрүүлдэг.
⁹ ЭЗЭНий дуу хоолой согоог тугаллуулж,
Ойг нүцгэртэл хуу татдаг.
Сүмд нь юм бүгд
“Алдар” гэж хэлцгээх авай.
¹⁰ ЭЗЭН, үерийн усан дээр суусан
Тийм ээ, ЭЗЭН сэнтийдээ
Мөнхөд хаанчлан заларна.
¹¹ ЭЗЭН, хүмүүстээ хүчийг хайрлан
ЭЗЭН, ард түмнээ
Амар амгалангаар ерөөнө.