Дуулал

ДУУЛАЛ 63 

Бурханы оршихуйн баталгаа
Иудагийн цөлд байх үеийн Давидын дуулал.

63 ¹ Бурхан, Та миний Бурхан

Би Таныг эртлэн хайх болой.
Усгүй, хуурай, ангамал газарт
Сэтгэл минь Танаар цангаж,
Бие махбод минь Таныг
Хүсэн тэмүүлж байна.
² Таныг би ариун газарт хайсан.
Таны хүч, Таны алдрыг харсан.
³ Учир нь хайр энэрэл тань
Амь амьдралаас илүү.
Уруул минь Таныг магтана.
⁴ Ийнхүү би амьддаа
Таныг магтана.
Таны нэрээр би
гараа өргөх болно.
⁵ Чөмөг, өөхөнд юм шиг
Сэтгэл минь цатгалан бөгөөд
Ам минь баясгалант уруулаар
магтаалуудыг өргөнө.
⁶ Шөнөжин Таны тухай
тунгаан бодохдоо
Орондоо Таныг би дурсан санана,
⁷ Учир нь Та миний

 тусламж бөгөөд
Таны жигүүрийн дор
Би баясгалантайгаар дуулна.
⁸ Сэтгэл минь Танаас зуурчээ.
Таны баруун мутар

 намайг түшиж байна.
⁹ Харин амийг минь устгахаар

 хайгчид
Газрын гүн уруу орох болно.
¹⁰ Тэд илдэнд тушаагдана.
Тэд цөөвөр чононуудын

 хоол болно.
¹¹ Харин Бурханы дотор

 хаан баясна.
Түүгээр тангараглагчид бүгд

 магтагдана.
Худал яригчдын ам таглагдана.