Дуулал

ДУУЛАЛ 116

Эдгэрлийн талархал

116 ¹ Би ЭЗЭНд хайртай.
Учир нь миний дуу хоолойг,

 гуйлтыг минь
Тэр сонссон билээ.
² Тэр надад чих тавьсан учраас
Би амьддаа дуудах болно.
³ Үхлийн уяа намайг ороож,
Үхэгсдийн орны урхинууд
Намайг олж иржээ.
Би зовлон шаналан хийгээд

 уй гашуутай учрав.
⁴ Тэгээд би ЭЗЭНий нэрээр дуудан
“Аяа ЭЗЭН, би гуйя, амийг минь

 авраач!” гэв.
⁵ ЭЗЭН нигүүлсэнгүй ба зөвт
Тийм ээ, бидний Бурхан өрөвч.
⁶ Гэнэн цайлганыг  хамгаалдаг.
Дорд болоход минь

 Тэр намайг аварсан.
⁷ Сэтгэл минь ээ, эргээд амрагтун.
Учир нь ЭЗЭН чамд

 их өгөөмөр байсан.
⁸ Учир нь Та амийг минь үхлээс,
Нүдийг минь нулимснаас,
Хөлийг минь бүдрэхээс аварчээ.
⁹ Би амьдын газарт
ЭЗЭНий өмнө алхах болно.
¹⁰ “Би ихэд зовсон” гэж хэлэхдээ ч
Би итгэсэн.
¹¹ Би тулгамдахдаа
“Бүх хүн худалч” гэж хэлсэн.
¹² Надад хандсан
бүх өгөөмөр хишгийнх нь төлөө
Би ЭЗЭНд юуг буцаах вэ?

¹³ Би авралын хундагыг өргөж,
ЭЗЭНий нэр дээр дуудна.
¹⁴ Бүх ард түмнийх нь өмнө
ЭЗЭНд тангарагласнаа би

 одоо биелүүлнэ.
¹⁵ Итгэлтнүүдийнх нь үхэл
ЭЗЭНий мэлмийд үнэ цэнэтэй.
¹⁶ Аяа ЭЗЭН, би үнэхээр Таны зарц,
Би Таны зарц бүсгүйн хүү

 зарц тань билээ.
Та хүлээсийг минь тайлсан.
¹⁷ Танд би талархлын тахилыг өргөж,
ЭЗЭНий нэр дээр дуудна.
¹⁸ Бүх ард түмнийх нь өмнө
ЭЗЭНд тангарагласнаа би

 биелүүлнэ
¹⁹ ЭЗЭНий өргөөний хашаанд,
Дунд чинь биелүүлнэ,

 Иерусалим аа,
ЭЗЭНийг магтагтун!