Дуулал

ДУУЛАЛ 136

Бурханы бүтээл ба түүхэн үйлс

136 ¹ ЭЗЭНд талархагтун.
Тэрээр сайн сайхан бөгөөд,
Түүний хайр энэрэл мөнхийнх.
² Бурхдын Бурханд талархагтун.
Түүний хайр энэрэл мөнхийнх.
³ Эздийн Эзэнд талархагтун,
Түүний хайр энэрэл мөнхийнх.
⁴ Агуу гайхамшгуудыг

 ганцаар үйлдэгч
Түүнд талархагтун,
Түүний хайр энэрэл мөнхийнх.
⁵ Мэргэнээр тэнгэрсийг бүтээсэн
Түүнд талархагтун.
Түүний хайр энэрэл мөнхийнх.
⁶ Газрыг усан дээгүүр дэлгэсэн
Түүнд талархагтун.
Түүний хайр энэрэл мөнхийнх.
⁷ Агуу гэрлүүдийг бүтээсэн
Түүнд талархагтун.
Түүний хайр энэрэл мөнхийнх.
⁸ Нараар өдрийг захируулагч
Түүнд талархагтун.
Түүний хайр энэрэл мөнхийнх.
⁹ Сар ба оддоор шөнийг

 захируулагч
Түүнд талархагтун.
Түүний хайр энэрэл мөнхийнх.
¹⁰ Египетийн ууган хүүхдүүдийг

 хороосон
Түүнд талархагтун.
Түүний хайр энэрэл мөнхийнх.
¹¹ Израилийг тэдний дундаас

 гарган авчирсан
Түүнд талархагтун.
Түүний хайр энэрэл мөнхийнх.
¹² Хүчит гар, сунгасан мутраар

 гаргасан
Түүнд талархагтун.
Түүний хайр энэрэл мөнхийнх.
¹³ Улаан тэнгисийг

 хоёр хуваасан
Түүнд талархагтун.
Түүний хайр энэрэл мөнхийнх.
¹⁴ Түүний дундуур

 Израилийг гаргасан
Түүнд талархагтун.
Түүний хайр энэрэл мөнхийнх.
¹⁵ Харин Фараон ба

 түүний их цэргийг

 Улаан тэнгист сүйрүүлсэн
Түүнд талархагтун.
Түүний хайр энэрэл мөнхийнх.

¹⁶ Ард түмнээ цөлөөр дагуулсан
Түүнд талархагтун.
Түүний хайр энэрэл мөнхийнх.
¹⁷ Агуу хаадыг бут цохисон
Түүнд талархагтун.
Түүний хайр энэрэл мөнхийнх.
¹⁸ Сүр хүчит хаадыг хороосон
Түүнд талархагтун.
Түүний хайр энэрэл мөнхийнх.
¹⁹ Аморичуудын хаан Сихоныг

 алсан
Түүнд талархагтун.
Түүний хайр энэрэл мөнхийнх.
²⁰ Башаны хаан Огийг алсан
Түүнд талархагтун.
Түүний хайр энэрэл мөнхийнх.
²¹ Газар нутгийг нь өв болгон өгсөн
Түүнд талархагтун.
Түүний хайр энэрэл мөнхийнх.
²² Өөрийн зарц Израильд

 өв болгосон
Түүнд талархагтун.
Түүний хайр энэрэл мөнхийнх.
²³ Биднийг дорд үед маань

 дурсан санасан
Түүнд талархагтун.
Түүний хайр энэрэл мөнхийнх.
²⁴ Биднийг өстнүүдээс маань

 аварсан
Түүнд талархагтун.
Түүний хайр энэрэл мөнхийнх.
²⁵ Бүх махбодод хоол хүнс өгдөг
Түүнд талархагтун.
Түүний хайр энэрэл мөнхийнх.
²⁶ Тэнгэрийн Бурханд талархагтун.
Түүний хайр энэрэл мөнхийнх.