Дуулал

ДУУЛАЛ 4

Итгэл дүүрэн гуйлт
Удирдаачид.

Давидын дуулал чавхдаст хөгжимд.

 4 ¹ Зөв шударгын Бурхан минь ээ,
Дуудахад минь хариулаач!
Зовоход минь намайг
Та амраасан билээ.
Намайгаа өршөөн,
Залбирал юуг минь сонсооч.
² Хүний хөвгүүд ээ,
Хэдий болтол нэр хүнд минь
Ичгүүр болох вэ?
Хэдий болтол та нар

 хоосон юманд дурлаж,
Худал хуурмагийг хайх юм бэ?

                                                                                                                 Села
³ Бишрэлтнүүдийг ЭЗЭН
Өөртөө тусгаарласныг мэдэгтүн.
Намайг дуудахад ЭЗЭН

 сонсдог билээ.
⁴ Уурлавч нүгэл бүү үйлд
Үүнийг орондоо,

 зүрхэндээ тунгааж,

 дуугүй бай. Села
⁵ Зөв шударгын тахил өргөж,
ЭЗЭНд итгэ.
⁶ “Бидэнд сайныг үзүүлэгч нь хэн бэ?” гэж
Олон хүн асууж байна.
ЭЗЭН, Өөрийн мэлмийг өргөж
Бидэн дээр гэрэлтээч!
⁷ Зүрхэнд минь Таны өгсөн

 баяр баясгалан нь
Тэдний үр тариа, шинэ дарс

 бялхах үеийнхээс ч илүү.
⁸ Би амар амгалан хэвтэж,

 унтах болно.
Аюулгүйгээр аж төрүүлэгч минь,

 ЭЗЭН,
Зөвхөн Та билээ.