Дуулал

ДУУЛАЛ 60 

Ялалтын төлөөх залбирал
Удирдаачид: Шушан Едутын дагуу.

Арам-нахараим болон Арам-зоба

нартай Давид тэмцэлдэх үед

Иоаб буцан ирж, Давст хөндийд

Едомын арван хоёр мянган

хүнийг устгасан үеийн, сургахад

зориулсан Давидын миктам.

60 ¹ Бурхан, Та биднээс татгалзсан.
Та биднийг няцалсан
Та уурлан хилэгнэсэн.
Бидэн уруу эргэн хараач.
² Та газрыг доргиож хагалсан.
Газар хөдөлж байгаа тул
Цөмөрхийг нь нийлүүлээч.
³ Та ард түмэндээ
Бэрх хэцүүг үзүүлсэн.
Гуйвуулдаг дарсыг
Бидэнд Та өгсөн.
⁴ Үнэний төлөө өргүүлэхээр
Өөрөөс тань эмээдэг хүмүүст
Тугийг Та өгсөн.                                                 Села
⁵ Таны хайртууд
Чөлөөлөгдөхийн тулд
Баруун мутраараа аварч,
Бидэнд хариулаач.
⁶ Бурхан ариун газартааe айлдахдаа
“Би ихэд баярлана,
Би Шехемийг хувааж,
Суккотын хөндийг хэмжинэ.

 ⁷ Гилеад Минийх, Манассе ч

 Минийх.
Ефраим ч Миний толгойн дуулга.
Иуда бол очирт таяг минь.
⁸ Моаб Миний угаалгын сав.
Едомын дээр Би гутлаа шиднэ.
Филистийн дээгүүр Би
Ялгууснаар хашхирна” гэв.
⁹ Хэн намайг бэхлэгдсэн хотод

 авчрах вэ?
Хэн намайг Едом уруу хөтлөх вэ?
¹⁰ Өө, Бурхан, Та Өөрөө
Биднээс татгалзсан бус уу?
Өө, Бурхан, Та
Манай цэрэгтэй хамт давшихгүй

 гэж үү?
¹¹ Өстний эсрэг бидэнд туслаач,
Учир нь хүнээр авруулах нь дэмий хоосон юм.
¹² Бурхантай хамт бид зоригтой

 байна.
Өстнүүдийг маань гишгэлэгч нь
Тэр билээ.