Дуулал

ДУУЛАЛ 106

Израилийн нүглийг улайх нь

106 ¹ ЭЗЭНийг магтагтун.
ЭЗЭНд талархал өргөгтүн.
Тэрээр сайн сайхан бөгөөд
Түүний хайр энэрэл үүрдийнх.
² ЭЗЭНий хүчит үйлсийн тухай
Хэн өгүүлж чадах вэ?
Түүний бүх магтаалыг
Хэн тунхаглаж чадах вэ?
³ Бүхий л цаг үед

 шударга ёсыг сахигчид,
Зөвт байдлыг үйлдэгчид ерөөлтэй.
⁴ Аяа ЭЗЭН, ард түмэндээ өгсөн

таалал дотроо
Намайг санаач.
Авралтайгаа над дээр айлчлаач.
⁵ Би Таны сонгогдогсдын сайн

 сайхныг харж,
Таны үндэстний

 баяр хөөрт баясаж,
Өвөөр тань бахархахын тулд юм.
⁶ Бид ч эцэг өвгөд маань ч

 нүгэл хийжээ.
Бид хуулийг завхруулж,

 бурууг үйлджээ.
⁷ Эцэг өвгөд маань Египетэд
Таны гайхамшгуудыг

 ухаарсангүй.
Таны үй олон энэрлийг

 тэд саналгүй,
Харин тэнгисийн, Улаан

 тэнгисийн дэргэд тэрсэлсэн.
⁸ Гэлээ ч сүр хүчээ

 мэдүүлэхийн тулд
Тэрээр нэрийнхээ төлөө

 тэднийг аварсан.
⁹ Тэрээр Улаан тэнгисийг зэмлэсэнд
Тэр нь хатсан бөгөөд
Тэр тэднийг цөл газраар мэт
Оёор гүнээр нь дагуулсан.
¹⁰ Үзэн ядагчийнх нь гараас
Тэр тэднийг аварч,
Дайсны гараас зольсон.
¹¹ Өстнүүдийг нь ус бүрхсэн.
Нэг нь ч эс үлдсэн.
¹² Тэгэхэд тэд үгэнд нь итгэж,
Түүнд магтаалыг дуулсан.
¹³ Гэвч тэд үйлсийг нь үтэр мартав.
Зөвлөгөөг нь тэд эс хүлээв.
¹⁴ Харин цөлд ихэд шунан тачаадаж,
Зэлүүд газарт Бурханыг сорьсон.
¹⁵ Иймээс Тэр хүсэж шаардсаныг нь

 өгсөн боловч
Тэдний аманд эцээх өвчнийг

 илгээсэн.
¹⁶ Хуаранд тэд Мосед болон
ЭЗЭНий ариун хүн Ааронд

 атаархсан.
¹⁷ Тэгтэл газар нээгдэн Датаныг залгиж,
Абирамын бүлэглэлийг дарсан.
¹⁸ Тэдний бүлэглэл дотор

 гал дүрэлзэж,
Галын дөл буруутыг шатаасан.
¹⁹ Хоребт тэд тугалыг бүтээж,
Цутгамал хөрөгт мөргөцгөөсөн.
²⁰ Өөрсдийн алдрыг ингэж тэд
Өвс иддэг үхрийн дүрсээр сольж
²¹ Аврагч Бурханаа тэд мартсан юм.
Агуу зүйлсийг Тэрээр харин
Египетэд хийсэн байсан юм.
²² Хамын нутагт гайхамшгуудыг,
Улаан тэнгисийн дэргэд
Сүрдмээр зүйлсийг

 үйлдсэн байлаа.
²³ Тиймээс л тэднийг устгана гэж
Тэр айлдсан юм.
Тэднийг устгах уур хилэнг нь эргүүлэхээр
Түүний сонгосон хүн Мосе өмнө

 нь
Цөмөрхий дунд зогсоогүйсэн бол

 үүнийгээ гүйцэлдүүлэх байсан.
²⁴ Тэгтэл тэд тааламжит нутгийг

 жигшсэн.
Үгэнд нь тэд итгэлгүй,
²⁵ Харин майхнууд дотроо

 эгдүүцэн бувтнасан.
ЭЗЭНий дуу хоолойг ч сонсоогүй.
²⁶ Тиймээс Тэр тэдэнд тангараглаж,
Тэднийг зэлүүд цөлд хаян,

²⁷ Үр удмыг нь үндэстнүүдийн дунд

 унагаж
Газар бүрд тэднийг

 тараах болно гэсэн.
²⁸ Тэд Баал-пеортой нийлж,
Үхэгсдийн тахилыг иджээ.
²⁹ Тэд үйлдлээрээ Түүнийг
Хилэнд өдөөсөн бөгөөд
Тэдний дунд тахал дэлгэрсэн.
³⁰ Тэр үед Финехас босож,
Шүүлтийг гүйцэтгэсэн бөгөөд
Тахал зогссон.
³¹ Энэ нь үеэс үед мөнхөд
Түүнд зөв зүйтэй гэж тооцогдсон.
³² Тэд бас Мерибагийн их усны

 дэргэд хилэгнэхэд хүргэсэн
Түүнийг хилэнг өдөөсөн бөгөөд
Тэднээс болж Мосе хэцүүдсэн.
³³ Тэд Сүнснийх нь эсрэг

 тэрсэлсэн учраас
Тэрээр гоомой үгс хэлсэн юм.
³⁴ ЭЗЭНий өөрсдөд нь

 тушаасан ёсоор
Тэд тэрхүү ард түмнүүдийг

 үл устгасан,
³⁵ Харин үндэстнүүдтэй хутгалдан
Үйлсээс нь суралцаж,
³⁶ Өөрсдөд нь урхи болох
Шүтээнүүдэд нь үйлчилсэн.
³⁷ Охид, хөвгүүдээрээ тэд

 чөтгөрүүдийг тахиж,
³⁸ Гэмгүй цусыг урсгасан.
Охид хөвгүүдийнхээ цусаар
Канааны шүтээнүүдийг тахисан
Тэгээд газар цусаар бузарлагдсан.
³⁹ Ийн тэд үйлсээрээ бузарлагдан
Үйлдлээрээ садар самууныг

 хийжээ.
⁴⁰ Тиймээс ЭЗЭНий уур хилэн
хүмүүсийнхээ эсрэг асаж,
Тэр Өөрийн өвийг жигшсэн.
⁴¹ Тэр тэднийг үндэстнүүдийн гарт

 оруулсан
Үзэн ядагчид нь

 тэднийг захирсан.
⁴² Дайснууд нь ч бас

 тэднийг дарангуйлсан.
Тэд гар дор нь номхорсон.
⁴³ Олон удаа Тэр тэднийг аварсан.
Харин тэд сэдлээрээ тэрсэлж,
Гэм буруудаа улам шигдэн

 ялзарсан.
⁴⁴ Тэгсэн ч, хашхирахыг нь

 сонсохдоо
Тэрээр шаналлыг нь харсан.
⁴⁵ Тэдний төлөө гэрээгээ санаж,
Энэрэл хайрынхаа бялхмын ёсоор
Тэр өрөвдсөн.
⁴⁶ Бас олзлон авагч бүхнийх нь өмнө
Тэрээр тэдэнд энэрлийг соёрхсон.
⁴⁷ Бидний Бурхан ЭЗЭН,

 биднийг авраач

Таны ариун нэрд талархлыг,
Таны магтаал дотор алдрыг бид

  өргөхийн тулд
Үндэстнүүдийн дундаас биднийг

 цуглуулаач.
⁴⁸ Израилийн Бурхан ЭЗЭН
Мөнхөөс мөнхөд

 магтагдах болтугай.
Бүх ард түмэн “Амен” гэж хэлтүгэй!
ЭЗЭНийг магтагтун!