Дуулал

ДУУЛАЛ 35

Дайснаас ангижрахын төлөө
Давидын дуулал.

35 ¹ Надтай тэмцэлдэгчидтэй

 тэмцэлдээч, ЭЗЭН!
Надтай тулалдагчидтай

 тулалдаач!
² Халхавч, бамбайгаа барин Надад туслахаар босооч!
³ Намайг мөрдөгчдийн эсрэг
Жад, сүхээ сугалж
“Би чиний аврал!” хэмээн
Сэтгэлд минь хэлээч!
⁴ Амийг минь хайгчдыг
Шившиг болгож, ичгүүрт унагаан
Миний эсрэг бузар мууг

 сэдэгчдийг
Буцааж, самууруулаач!
⁵ Тэднийг салхинд хийсэх

 будааны хальс мэт болгож
ЭЗЭНий тэнгэрэлчээр туулгаач!
⁶ Замыг нь харанхуй,

 халтиргаатай болгож
ЭЗЭНий тэнгэрэлчээр

 тэднийг хөөлгөөч!
⁷ Учир нь шалтгаангүйгээр
Тэд нууцаар надад тор тавьсан,
Шалтгаангүйгээр
Тэд сэтгэлд минь нүх ухсан.
⁸ Мэдээгүй байхад нь
Сүйрлийг түүнд ирүүлж,
Нууцаар тавьсан тор нь
Өөрийг нь бариг.
Сүйрэлд түүнийг унагаагаач!
⁹ Сэтгэл минь ЭЗЭНд баярлаж,
Авралд нь баясна
¹⁰ Бүх яс минь “ЭЗЭН, хэн Тан шиг

 вэ?
Хүчтэнээс зүдэрснийг,
Дээрэмчдээс нь зүдэрсэн хийгээд

 ядууг
Та аварна” хэмээмой.
¹¹ Хэрцгий гэрч нар босон
Эс мэдэх зүйлийг

 надаас байцаана.
¹² Тусыг минь усаар тэд хариулан
Сэтгэл минь ганцаардана.
¹³ Тэднийг өвчтэй байхад
Харин би тааран хувцас өмссөн
Сэтгэлээ би мацгаар дордуулсан.
Залбирал минь өвөрт минь

 буцаж ирэв.
¹⁴ Би найздаа, ах дүүдээ юм шиг
Тэдэнд үйлдсэн
Би эхийнхээ хойноос

 гашууддаг шиг
Гашуудан бөхийсөн.
¹⁵ Харин намайг бүдэрсэнд
Тэд баярлан цуглав
Миний мэддэггүй байсан

 довтлогчид
Миний эсрэг цуглав.
Зогсоо зайгүй намайг гүжирдэв
¹⁶ Найран дээрх сүсэг бишрэлгүй

 тохуурхагчид мэт
Над уруу тэд шүдээ хавирав
¹⁷ Эзэн, Та хэдий болтол

 харж суух вэ?
Амийг минь тэдний сүйтгэлээс,
Намайг арслангуудаас авраач!
¹⁸ Танд би их чуулганд талархал өргөнө.
Таныг олон ард түмний дунд магтах болно.
¹⁹ Үндэсгүйгээр намайг дайсагнагчдыг
Надаас болж бүү баясга.
Шалтгаангүйгээр намайг үзэн ядагчдын
Нүдийг ч бүү ирмүүл.
²⁰ Учир нь тэд амар амгаланг

 ярьдаггүй,
Нутгийн аниргүй оршигчдын

 эсрэг
Хуурмаг үгсийг зохиодог.
²¹ Амаа тэд над уруу

 томоор нээцгээн
“Аа-хаа, нүд маань үзлээ” гэцгээнэ.
²² ЭЗЭН, Та үүнийг харсан.
Бүү дуугүй байгаач!
Эзэн, надаас бүү хол байгаач!
²³ Бурхан минь, миний Эзэн,
Өөрийгөө сэрээж,

 намайг хамгаалахаар,
Миний хэргийн төлөө босооч!
²⁴ Бурхан ЭЗЭН минь,

 зөвт байдлынхаа дагуу

 намайг шүүн,
Надаас болж тэднийг бүү баясгаач!
²⁵ Тэднийг “Аа-хаа, ингэхийг л

 бид хүссэн юм!” гэж
Зүрхэнд нь бүү хэлүүлээч.
“Бид түүнийг залгисан!” гэж
Тэднээр бүү хэлүүлээч.
²⁶ Хохиролд минь баясагч бүгдийг
Ичгүүрт унаган дорд болгооч.
Өөрсдийгөө миний дээгүүр

 дөвийлгөгчдийг
Ичгүүр, гутамшигт оруулаач!
²⁷ Зөвтөлд минь баярлагчид
Баясан хашхирч, баярлан хөөрөг.
Тэднээр “Зарцынхаа сайн сайханд

 баярладаг
ЭЗЭН дээдлэгдэх болтугай!” гэж
Үргэлж хэлүүлээч.
²⁸ Таны зөв шударгыг,
Таны магтаалыг
Хэл минь өдөржин тунхагланам.