Дуулал

ДУУЛАЛ 85

Ивээлээ сэргээхийг гуйхуй
Удирдаачид: Корагийн хөвгүүдийн дуулал.

85 ¹ Аяа ЭЗЭН Та
Өөрийн нутагт ивээлээ үзүүлсэн.
Та Иаковын олзлогдогсдыг

 буцааж ирүүлсэн.
² Та ард түмнийхээ

 хилэнцийг уучилсан.
Та бүх нүглийг нь далдалсан. Села
³ Та бүх уураа зайлуулсан.
Та шатаж буй хилэнгээсээ

 эргэж буцсан.
⁴ Аяа бидний авралын Бурхан,
Биднийг сэргээж, бидэнд хандсан
хилэнгээ зогсоогооч.
⁵ Та бидэнд мөнхөд

 унтууцах юм уу?
Та бүх үеийнхэнд

 хилэгнэсээр байх уу?
⁶ Таны хүмүүс Танд баярлахын тулд
Та Өөрөө биднийг

 сэргээхгүй гэж үү?
⁷ Аяа ЭЗЭН, хайр энэрэлээ бидэнд

 үзүүлж,
Авралаа бидэнд хайрлаач!
⁸ Бурхан ЭЗЭНий айлдахыг
Би сонсохыг хүснэм.
Учир нь Тэр Өөрийн

 ард түмэн хийгээд
Бишрэлтнүүддээ амар тайвныг

 айлдана.
Харин тэднийг мунхаглал уруу
Бүү эргүүлээч!
⁹ Газар нутагт маань
сүр жавхлан оршихын тулд
Түүнээс эмээгчдэд аврал нь

 үнэхээр ойр байна.
¹⁰ Энэрэл хайр ба үнэн

 хамтдаа уулзжээ.
Зөвт байдал ба амар тайван

 бие биенээ үнсжээ.
¹¹ Газраас үнэн соёолж
Зөв шударга байдал

 тэнгэрээс өнгийнө.
¹² Үнэндээ ЭЗЭН сайныг өгөх бөгөөд
Газар нутаг маань

 ургацаа ургуулна.
¹³ Зөвт байдал Түүний өмнө явж,
Тэрээр алхмуудаа замд нь тавина.