ДУУЛАЛ 87
Сионд амьдрахын баяр хөөр
Корагийн хөвгүүдийн дуулал. Дуу.
87 1 Түүний суурь ариун ууланд бий.
2 Сионы үүд хаалгуудыг
Иаковын оршин суух газруудаас
илүүгээр
ЭЗЭН хайрладаг.
3 Бурханы хот оо,
Чиний талаар сүр жавхлант юмс
яригддаг. Села
4 “Намайг мэдэгчдийн дунд
Рахабыг болон Вавилоныг
би дурдана.
Харагтун, Филист ба Тир
Етиопын хамт
«Энэ нэгэн тэнд төрсөн» гэнэ”
5 Харин Сионы тухай
“Энэ хүн ба тэр хүн түүний дотор
төрсөн” гэж хэлэгдэнэ.
Хамгийн Дээд Нэгэн
Өөрөө түүнийг байгуулна.
6 ЭЗЭН хүмүүсийг бүртгэх үедээ
тоолж,
“Энэ нэгэн тэнд төрсөн” гэнэ. Села
7 Тэгээд дуучид, бүжигчдийн хамт
“Миний бүх эх булаг Танд бий”
гэнэ.