ДУУЛАЛ 3
Зовлон дундах итгэл
Хүү Абсаломаасаа зугтах
үеийн Давидын дуулал.
3 1 Өстнүүд минь юутай олширно,
ЭЗЭН!
Өөдөөс минь олуул босжээ.
2 Булт олон миний тухайд
“Бурханы аврал түүнд үгүй”
гэлцэнэ. Села
3 Гэвч ЭЗЭН, наддаа халхавч
бамбай,
миний цог жавхлан,
тэргүүнийг минь өргөгч.
4 Өндөр дуугаар ЭЗЭНд
би хашхирахуй
Өөрийнхөө ариун уулаас
надад Тэр хариулавай. Села
5 Хэвтээд л би унтдаг,
Эргээд бас сэрдэг нь
ЭЗЭН намайг түшдэгийнх.
6 Тойрч бүслээд ирсэн
түмэн хүнээс ч би айхгүй.
7 ЭЗЭН, босооч!
Ээ Бурхан минь, намайг авраач!
Бүх дайсны минь эрүүг Та дэлсмү.
Буруутын шүдийг яйруулму.
8 Аврал бол ЭЗЭНийх авай
Ард түмнийхээ дээр
ерөөл тань атугай! Села