Дуулал

ДУУЛАЛ  32

Уучлагдахуйн баяр хөөр
Давидаас. Маскил.

32 ¹ Ёс бус явдал нь уучлагдаж,
Нүглүүд нь далдлагдсан нэгэн
Юутай ерөөлтэй!
² Нүглийг нь ЭЗЭН үл тооцдог бөгөөд
Сүнсэндээ заль мэхгүй хүн

 ерөөлтэй еэ!
³ Намайг дуугүй байх зуур
Өдөржингөө ёолсноос болж
Яс минь яйрчээ.
⁴ Учир нь өдөр шөнөгүй

 Таны мутар намайг

 хүндээр дарж,
Шим шүүс минь

 зуны ганд хатсан буюу.

                                                                                                             Села
⁵ Би нүглээ улайн
Танд хэлсэн бөгөөд
Хилэнцээ би нуугаагүй.
“Би ЭЗЭНд гэмт үйлдэлээ хүлээнэ”

 гэж би хэлсэн.
Тэгээд Та миний хилэнцийг

 уучилсан билээ. Села
⁶ Тиймээс бишрэлтэн бүр
Таны олдохu цагт
Танд залбираг.
Их ус үерлэхэд тэд түүнд

 мэдээж хүрэхгүй.
⁷ Та миний хоргодох газар,
Та намайг зовлон шаналлаас

 хамгаалан
Та намайг авралын дуугаар

 хүрээлдэг.                                                                                                             Села

⁸ Би явах ёстой замд чинь чамд

 зааварлан зааж өгнө
Нүд минь чамайг ширтэн

 чамд зөвлөнө.
⁹ Ухаангүй адуу, луус шиг бүү бай.
Тэднийг хазаар ногтоор

 оосорлон барихгүй бол
Чамд ойртон үл ирэх буюу.
¹⁰ Гэм буруутны зовлон шаналал их
ЭЗЭНд найдагч хүнийг
Хайр энэрэл хүрээлэх болой.
¹¹ Зөвт хүмүүс ээ, та нар
ЭЗЭН дотор баярлан баясагтун,
Зүрхээрээ чигч шударга бүгд ээ,
Та нар баярлан хашхирагтун!