82 ¹Бурхан Өөрийнхөө цуглаанд Өөрийн байрыг эзэлдэг.
Тэрээр захирагчдын дунд шүүдэг.
²Хэдий болтол та нар шударга бусаар шүүж,
Хорон муу хүнд тал засна вэ? ³Дорой хийгээд эцэггүй хүмүүсийг зөвтгө,
Зовогсод хийгээд гачигдагсдад шударга ёсыг хайрла.
⁴Дорой болон гачигдагсдыг авар.
Тэднийг хорон муу хүний гараас чөлөөл.

⁵Тэд мэддэггүй, ойлгодог ч үгүй.
Тэд харанхуйд холхидог.
Дэлхийн бүх сууриуд ганхсан.
⁶Би “Та нар бол бурхад,
Та нар бүгдээрээ Хамгийн Дээд Нэгэний хөвгүүд юм.
⁷Гэсэн ч та нар хүн шиг үхэж,
Ноёдын нэгтэй адил унах болно” гэв.
⁸Бурхан, босож, дэлхийг шүүгээч!
Учир нь бүх үндэстнийг эзэмшигч нь Та юм.