120 ¹Би зовлон бэрхшээлийнхээ дунд ЭЗЭНд хандан хашхирсанд
Тэрээр надад хариулсан.
²Өө, ЭЗЭН, миний сэтгэлийг худалч уруулаас болон
Худал хуурмаг хэлнээс авраач.
³Худал хуурмаг хэл ээ, чамд юу өгч, чамд өөр юуг хийж болох вэ?
⁴Арц модны шатаж буй нүүрстэй
Дайчин хүний хурц сум.

⁵Би Мешект түр сууж,
Кедарын майхнуудын дунд оршин суудаг тул би гаслантай яа!
⁶Амар тайвныг үзэн ядагчтай хамт
Сэтгэл минь хэтэрхий удаан оршин суужээ.
⁷Би бол амар тайван. Харин намайг ярьж байхад
Тэд дайныг хүсдэг билээ.