128 ¹ЭЗЭНээс эмээдэг,
Түүний замаар замнагч хүн бүр юутай ерөөлтэй вэ.
²Чи өөрийн гарын үр жимсийг идэх үедээ
Аз жаргалтай байх бөгөөд сайн сайхан амьдарна.
³Чиний эхнэр танай гэр доторх
Үр жимстэй усан үзмийн мод адил,
Чиний хүүхдүүд ширээг чинь тойрон буй
Чидун мод адил байх болно.
⁴Харагтун, учир нь ЭЗЭНээс эмээдэг хүн
Ийнхүү ерөөгдөнө.

⁵ЭЗЭН чамайг Сионоос ерөөж,
Чи насан туршдаа Иерусалимын сайн сайхныг үзэх болтугай.
⁶Чи хүүхдүүдийнхээ хүүхдүүдийг үзэх болтугай.
Израилийн дээр амар амгалан орштугай!