14 ¹Мунхаг хүн зүрхэндээ “Бурхан байдаггүй” гэсэн.
Тэд завхарцгаасан, тэд жигшүүртэй үйлс хийсэн.
Сайн үйл хийдэг хүн огт байхгүй.
²ЭЗЭН тэнгэрээс хүний хөвгүүд уруу өнгийн харсан нь
Ойлгодог, Бурханыг эрэн хайдаг хүн байгаа эсэхийг харахын тулд юм.
³Тэд бүгдээрээ дур мэдэн явцгааж,
Тэд хамтдаа завхарцгаасан.
Сайн үйл хийдэг хүн байхгүй,
Нэг ч байхгүй.

⁴Талх иддэг шиг миний хүмүүсийг иддэг, ЭЗЭНийг дууддаггүй,
Бузар мууг үйлдэгч бүхэн мэддэггүй юм уу?
⁵Бурхан зөв шударга үеийнхэнтэй хамт байгаа учир
Тэд тэнд ихэд айж байна.
⁶Та нар ядуусын бодол санааг ичгүүртэй болгосон
Гэвч ЭЗЭН бол түүний хоргодох газар юм.

⁷Израилийн аврал Сионоос гарах болтугай!
ЭЗЭН Өөрийн олзлогдсон хүмүүсийг эргүүлэн авч ирэхэд
Иаков баясан, Израиль баярлана.