60 ¹Бурхан, Та биднээс татгалзсан.
Та биднийг няцалсан. Та уурлан хилэгнэсэн.
Биднийг сэргээгээч.
²Та газрыг хөдөлгөн, түүнийг хагалсан.
Газар доргиж байгаа тул түүний цөмөрхийг нийлүүлээч.
³Та Өөрийн ард түмнийг хэцүү бэрхээр туулуулсан.
Та бидэнд гуйвуулан дайвуулдаг дарсыг уулгасан.
⁴Та Өөрөөс тань эмээдэг хүмүүст тугийг өгсөн.
Ингэснээр үүнийг үнэний төлөө өргүүлсэн. ⁵Таны хайрт чөлөөлөгдөхийн тулд
Баруун мутраараа аварч, бидэнд хариулаач.

⁶Бурхан ариун газартаа айлдсан нь
“Би ихэд баярлана, Би Шехемийг хувааж, Суккотын хөндийг ч хэмжинэ.
⁷Гилеад бол Минийх, Манассе ч Минийх.
Ефраим ч бас Миний толгойн дуулга.
Иуда бол Миний очирт таяг.
⁸Моаб бол Миний угаалгын сав.
Едомын дээр Би гутлаа шиднэ.
Филист ээ, Надаас болж чанга хашхир!”.

⁹Хэн намайг бүслэгдсэн хот уруу авчрах вэ?
Хэн намайг Едом уруу хөтлөн дагуулах вэ?
¹⁰Өө, Бурхан, Та Өөрөө биднээс татгалзаагүй юм уу?
Өө, Бурхан, Та манай цэргүүдтэй хамт давшихгүй гэж үү?
¹¹Өстний эсрэг бидэнд туслаач,
Учир нь хүнээр авруулах нь хоосон юм.
¹²Бурханаар дамжуулаад бид зоригтой байх бөгөөд
Бидний өстнүүдийг гишгэчлэх нэгэн бол Тэр билээ.