3 ¹ЭЗЭН, миний өстнүүд юутай олширно вэ!
Миний эсрэг босогчид олон байна.
²Олон хүн миний тухай
“Түүнд Бурханы аврал үгүй” гэдэг.
³Гэвч, ЭЗЭН, Та бол миний бамбай,
Миний цог жавхлан болон тэргүүнийг минь өргөгч Нэгэн билээ.
⁴Би ЭЗЭНд хандан дуу хоолойгоороо хашхирсан бөгөөд
Тэрээр ариун уулаасаа надад хариулсан. ⁵Би хэвтээд, унтаад, сэрсэн,
Учир нь ЭЗЭН намайг түшиж байна.
⁶Түмэн хүн миний эсрэг
Намайг бүсэлсэн ч би айхгүй.

⁷ЭЗЭН, босооч!
Бурхан минь ээ, намайг авраач!
Миний бүх дайсны шанаа уруу Та дэлссэн.
Хорон муу хүний шүдийг Та хэмхэлсэн.
⁸Аврал бол ЭЗЭНийх.
Таны ерөөл Таны ард түмэнд хүртэх болтугай!