142 ¹Бид дуу хоолойгоороо ЭЗЭНд хандан чангаар хашхирна.
Би дуу хоолойгоороо ЭЗЭНээс гуйна.
²Би Түүний өмнө гомдлоо урсгана.
Би зовлон бэрхшээлээ Түүний өмнө ярина.
³Миний сүнс миний дотор сульдах үед
Та зам мөрийг минь мэдэж байсан.
Явах замд минь
Тэд намайг барихаар урхи нуусан байв.
⁴Баруун тал уруу харж ажиглаач.
Намайг тоодог хүн нэг ч байхгүй байна.
Надад зугтаах газар ч үгүй.
Сэтгэлд минь санаа тавигч нэг ч үгүй.

⁵Өө, ЭЗЭН, би Танд хандан хашхирсан билээ.
Би “Та бол миний хоргодох газар,
Амьдын газарт миний хувь юм.
⁶Хашхирах дууг минь анхаараач.
Учир нь би маш дорд болгогдсон байна.
Намайг хавчигсдаас минь авраач.
Учир нь тэд миний хувьд хэт хүчтэй юм.
⁷Сэтгэлийг минь шоронгоос гаргаач. Би Таны нэрэнд талархал өргөнө
Та надад өгөөмөр хандах учир
Зөв шударга хүмүүс намайг хүрээлнэ” гэв.