75 ¹Бид Танд талархал өргөж байна, Бурхан, бид талархал өргөж байна.
Учир нь Таны нэр ойрхон байна.
Хүмүүс Таны гайхамшигт үйлсийг тунхагладаг.
²“Би тогтоосон цагийг сонгохдоо
Шулуун шударгаар шүүдэг нь Би билээ.
³Газар дэлхий болон түүн дотор оршин суугч бүгд үгүй болдог.
Түүний баганануудыг бат бөхөөр тогтоосон нь Би билээ. ⁴Би бардамнагчид “Бүү бардамна”,
Хорон муу хүнд “Эврээ бүү өргө.
⁵Эврээ өндөрт бүү өргө.
Бардам хүзүүтэй бүү ярь” гэсэн”.

⁶Учир нь өргөмжлөл дорноос үгүй, өрнөөс ч үгүй
Цөлөөс ч ирдэггүй.
⁷Харин Бурхан бол Шүүгч юм.
Тэрээр нэгийг бууруулж, нөгөөг өргөмжилдөг.
⁸Учир нь аяга ЭЗЭНий мутарт байгаа бөгөөд дарс ч хөөсөрч байна.
Тэр нь сайн хутгагдсан бөгөөд Тэрээр түүний дотроос асгадаг.
Үнэхээр дэлхийн бүх хорон муу хүн түүний шавхрууг шавхан уух болой.

⁹Харин би мөнхөд тунхаглана.
Би Иаковын Бурханд магтан дуулна.
¹⁰Хорон муу хүний бүх эврүүдийг Тэр огтолж,
Харин зөв шударга хүний эврүүд өндөрт өргөгдөнө.