47 ¹Бүх хүмүүс ээ, алгаа ташаарай.
Баяртай дуугаар Бурханд хашхирагтун.
²Учир нь Хамгийн Дээд ЭЗЭН бол аймшигтай,
Бүх дэлхийн агуу Хаан юм.
³Тэр бидний дор хүмүүсийг,
Бидний хөл дор улс үндэстнүүдийг оруулсан.
⁴Тэр бидэнд Өөрийн хайрласан Иаковын сүр жавхлан болох
Өвийг маань сонгодог.
⁵Бурхан ЭЗЭН хашхирах дуутайгаар,
Бүрээн дууны дунд дээш залрав.
⁶Бурханыг магтан дуулагтун, магтан дуулагтун.
Бидний Хааныг магтан дуулагтун, магтан дуулагтун.
⁷Учир нь Бурхан бол бүх дэлхийн Хаан.
Яруу сайхан дууллаар магтан дуулагтун.
⁸Бурхан улс үндэстнүүдийг захиран,
Өөрийн ариун сэнтийд залардаг.
⁹Улс үндэстнүүдийн ноёд
Абрахамын Бурханы хүмүүс мэт цугларсан.
Учир нь газар дэлхийн бамбайнууд бол Бурханых.
Тэр өндөрт өргөмжлөгдсөн.