8 ¹ЭЗЭН, бидний Эзэн,
Таны нэр бүх газар дэлхийд ямар суу алдартай вэ!
Та Өөрийн цог жавхланг тэнгэрүүдийн дээгүүр байрлуулсан билээ.
²Өөрийн өстнүүдээс болж
Балчир, нярай хүүхдүүдийн амаар
Та хүч чадлыг бататгасан нь
Дайсан болон хонзогногчийг дуугүй байлгахын тулд болой.

³Таны мутрын бүтээл болох Таны тэнгэрүүдийг,
Таны цогцлоон байгуулсан сар, оддыг би тунгаан бодохдоо
⁴Хүн гэгч юу болоод Та түүнд санаа тавьж,
Хүний хүү гэгч юу болоод Та түүнийг халамжилна вэ?
⁵Та түүнийг Бурханаас арай дор болгож,
Алдар ба хүндэтгэлийн титмийг түүнд өмсгөжээ.
⁶Та түүнд Өөрийн мутрын бүтээлүүдийг захируулдаг.
Та түүний хөл дор бүх юмсыг тавьсан нь
⁷Бүх хонь ба үхэр,
Мөн хээрийн араатан амьтад,
⁸Тэнгэрийн шувууд болон далайн загас буюу
Усан замаар сэлэгч бүхэн юм.

⁹ЭЗЭН, бидний Эзэн,
Таны нэр бүх газар дэлхийд ямар суу алдартай вэ!