Иов

Иовын хариу: Золигч минь амьд

19 ¹ Тэгэхэд Иов хариулан
² —Хэдий болтол сэтгэлийг минь та нар тарчлааж,
Үгээрээ намайг бяцлах юм бэ?
³ Арвантаа цээрлүүлэв

 та нар, намайг
Ахин та нар намайг

 буруутгахаасаа ч ичихгүй байна уу?
⁴ Алдсан байсан ч үнэндээ
Алдаа минь наддаа л үлдэнэ.
⁵ Миний эсрэг өөрсдийгөө

 дөвийлгөж,
миний шившгийг надад нотолж

 байгаа бол
⁶ Бурхан намайг буруутгасныг
Бурханы тор эргэн тойронд минь

татагдсаныг мэдтүгэй.
⁷ Харагтун, би “Хүчирхийлэл!” гэж

ориловч
Ямар ч хариу үгүй.
Би чангаар дуудавч,
Ямар ч шударга ёс алга.
⁸ Тэрээр замыг минь таглаж
Би нэвтрэн гарч чадахгүй болж,
Тэрээр жимүүд дээр минь

харанхуйг буулгажээ.
⁹ Тэрээр алдар хүндийг минь

надаас зайлуулж,

 Тэргүүнээс минь титмийг

тайлж авсан юм.
¹⁰ Тэр намайг тал бүрд сүйтгэж,
би өнгөрөв.
тэрээр найдварыг минь мод мэт

үндсээр нь сугалан хаяв.
¹¹ Тэрээр бас хилэнгээ

миний эсрэг ноцоож,
Намайг дайсан шигээ үзсэн билээ.
¹² Түүний цэргүүд хамтдаа ирж,

миний эсрэг чиглэж,
Майхныг минь бүслэн буудаллав.

¹³ Тэрээр ах дүүсийг минь надаас

хол явуулсан бөгөөд
Танилууд минь надаас

бүрмөсөн хөндийрчээ.
¹⁴ Төрөл төрөгсөд минь

дайжсан бөгөөд
Дотнын нөхөд минь ч

намайг мартав.
¹⁵ Миний гэрт амьдрагсад хийгээд
Шивэгчингүүд минь хүртэл намайг

танихгүй хүнд тооцож,
Тэдний нүдэнд би харь хүн болов.
¹⁶ Зарцаа би дуудавч,

тэрээр үл хариулна.
Би түүнээс амаараа гуйх болов.
¹⁷ Миний амьсгал

эхнэрт минь жигшигдэж,
Хэвэл нэгтнүүддээ би зэвүүцэгдэв.
¹⁸ Жаахан хүүхдүүд хүртэл

надад эгдүүцнэ.
Намайг босоход тэд

миний эсрэг ярьцгаана.
¹⁹ Бүх итгэлт андууд минь

намайг үзэн ядаж,
Миний хайрлаж байдаг хүмүүс ч
Миний эсрэг эргэжээ.
²⁰ Яс минь арьс махтайгаа наалдаж,
Би шүднийхээ буйлтай л үлдлээ.
²¹ Өрөвдөөч намайг, өрөвдөөч,

найзууд та нар минь!
Учир нь Бурханы мутар

намайг цохив.
²² Юунд та нар Бурханы адил

намайг сүрдүүлж,
Миний маханд цадахгүй байна

вэ?
²³ Миний үгс бичигдсэн байдаг ч

болоосой!
Тэд номд буулгагддаг ч болоосой!
²⁴ Төмөр зоруул болон тугалгаар
Тэд хад чулуун дээр үүрд мөнхөд

сийлэгддэг ч болоосой!
²⁵ Золигч минь амьд гэдгийг,

Эцэст Тэрээр газар шороон дээр

зогсоно гэдгийг би мэднэ.
²⁶ Арьс минь устгагдсан хойно ч
Би махбодоороо

Бурханыг харах болой.
²⁷ Түүнийг би өөрөө үзэх бөгөөд
Өөр хэнийг ч биш Түүнийг л
Миний нүд харах болно.
Элэг дотор минь эгширч байна.
²⁸ Хэрэв та нар

“Бид түүнийг яаж хавчих вэ?”
“Хамаг хэрэг түүнд ч бий”

гэж хэлбэл
²⁹ Өөрсдийнхөө төлөө

илднээс айцгаа,
Учир нь хилэнц илдний

шийтгэлийг авчирдаг юм.
Тэгээд та нар шүүлт бий гэдгийг

мэдэх юм.