23 1 Захирагчийн хамт
хооллохоор суух үед
Зассан идээг сайтар ажигла.
2 Сэтгэл татаж, хүсэл төрсөн ч
хоолой юундаа хутга тулга.
3 Хоол гэдэг хуурмаг тул
Захирагчийн амттанд бүү шуна.
4 Хөрөнгөтэй болох гэж
өөрийгөө бүү туйлдуул.
Ухаалаг бай, тэр бодлоосоо
татгалз.
5 Эд гэдэг нүдийг олзолдог ч
хармагц зайлдаг
Жигүүр хүртэл ургаад
Бүргэд мэт тэнгэр өөд нисдэг
хуурамч зүйл.
6 Атгаг хүний талхнаас бүү ид,
амттаныг нь бүү хүс.
7 Тэрээр хоолойд торох хялгас мэт
агаад
“Уу! Ид!” гэж тэр чамд хэлэвч
Үнэндээ зүрх нь чамайг гээгүй
байдаг.
8 Идсэн үмх хоолоо чи бөөлжиж,
Элэгсэг үгс чинь ч талаар
өнгөрснийг мэднэ.
9 Мунхгийн чихэнд юм бүү ярь
Мэргэн үгсийг чинь тэрээр
басамжилна.
10 Эртний хил хязгаарыг бүү
өөрчил.
Өнчин хүний газарт түрж бүү ор.
11 Тэднийг өмгөөлөх Золигч хүчтэй
Тэр чамтай тэдний өмнөөс зарга
хэлцэнэ.
12 Зүрхээ сахилгад,
чихээ мэдлэгийн үгэнд хандуул.
13 Сахилгаас хүүхдээ хөндий бүү
байлга.
Саваадлаа гээд тэр үхчихгүй.
14 Саваагаар занчваас
Үхэгсдийн оронд унахаас аварна.
15 Зүрх чинь мэргэн байвал, хүү
минь
Зүрх минь ч бас баясна.
16 Уруул чинь чигч шударгыг
ярихад
Дотор минь хүртэл баярлана.
17 Зүрх чинь нүгэлтнүүдэд
бүү атаархаг
Өдөр бүр ЭЗЭНээс эмээж амьдар
18 Ирээдүй чухамдаа буй тул
Итгэл найдвар чинь үл тасарна.
19 Сонс тэгээд мэргэн бай, хүү минь
Зүрхээ цэх замд чиглүүл.
20 Дарсанд хэт согтогчид бас мах
ховдоглогсодтой бүү нийл
21 Согтогчид хийгээд ховдоглогсод
ядуурна.
Нойрмог нь ноорхойгоор
хувцаслана.
22 Төрсөн эцгээ сонс,
Өтөлсөн эхээ анзаар.
23 Үнэнийг худалдаж ав
Үрж үүнийгээ бүү арилж
Мэргэн ухаан, заавар, бодрол
ухааныг ч бас
24 Машид баясна, зөвт хүний эцэг
Мэргэн хүүг төрүүлэгч нь
түүндээ жаргана.
25 Эцэг, эх чинь баясаг.
Төрүүлсэн тэр эмэгтэй баясаг.
26 Зүрхээ, хүү минь надад өг
Замыг минь ажиглаад
нүд чинь баясна.
27 Янхан эм гүн цооног.
Садар эм хавчиг худаг.
28 Тонуулчин мэт тэрээр
отон хүлээж
Завхайчуудыг олшруулдаг ажээ.
29 Золгүй агаад зовогч нь хэн байв?
Хэрүүл хийгээд гомдлол
хэн тарив?
Шалтаг үгүй атал шарх хэн олов?
Улаан нүдлэгч нь хэн бэ?
30 Дарсанд ойчин живэгсэд,
Найруулсан дарс болгоныг
амсахаар хөөгчид билээ.
31 Дарсны улааныг
хундаганы цэлэлзэхийг
Гулгуулан залгилахыг бүү хар.
32 Хорт могой адил эцэстээ
Хазан хатгах бус уу, энэ нь.
33 Хараанд чинь бусдын эхнэрийг
үзүүлж,
Зүрхэнд чинь самуун зүйл
эргэлдүүлэх бус уу, тэр нь.
34 Далайн дунд дайвалзан хэвтэнэ
Дарвуулын шурагны оройд
өлгөгдөн хэвтэнэ.
35 Чи “Зодоод л байсан, бэртсэнгүй.
Нүдээд л байсан, мэдээгүй.
Би хэзээ сэрэх бол?
Дахиад олоод уух юмсан”
гэх болно.