35 ¹Дараа нь Елиху үргэлжлүүлэн,
²-Энэ чинь шударга ёсны дагуу байна гэж чи бодож байна уу?
Чи “Миний шударга зөв байдал Бурханыхаас илүү юм” гэж хэлэх үү?
³Учир нь чи
“Энэ нь Танд ямар хэрэгтэй юм бэ?
Би нүгэл хийсэн байхаас илүү ямар ашгийг би авах вэ?” гэдэг.
⁴Би чамд болон чамтай хамт байгаа андуудад чинь хариулъя.
⁵Тэнгэр өөд хараад, үзэгтүн.
Та нарын дээрх үүлсийг харагтун.
⁶Чи нүгэл хийсэн бол Түүний эсрэг юуг гүйцэлдүүлдэг вэ?
Чиний нүгэл хилэнцүүд олон бол Түүнд чи юу хийдэг вэ?
⁷Чи шударга зөв бол Түүнд юу өгч,
эсвэл Тэрээр чиний гараас юу авдаг вэ?
⁸Чиний хорон муу өөртэй чинь адил хүний төлөө бөгөөд
шударга зөв чинь хүний хүүгийн төлөө юм.

⁹Тоо томшгүй дарлалуудаас болж тэд хашхирцгаадаг.
Хүчтэний гараас болж тэд тусламж эрэн хашхирцгаадаг.
¹⁰Гэвч хэн ч
“Шөнөөр эгшиг дуу өгдөг миний Бүтээгч Бурхан хаана байна вэ?
¹¹Тэрээр бидэнд газрын амьтдаас ч илүүгээр заадаг бөгөөд
биднийг тэнгэрийн шувуудаас ч илүү мэргэн болгодог” гэж хэлдэггүй юм.
¹²Тэд тэнд орилдог
боловч бузар муу хүмүүсийн бардамналаас болж Тэрээр хариулдаггүй.
¹³Үнэхээр Бурхан хоосонг сонсохгүй,
Төгс Хүчит Нэгэн ч үүнийг анхаарахгүй.
¹⁴Тэгэх тусам Түүнийг хардаггүй гэж чамайг өгүүлэхэд сонсохгүй.
Хэрэг Түүний өмнө байгаа бөгөөд
чи Түүнийг хүлээх ёстой!
¹⁵Одоо ч, Тэр Өөрийн уур хилэнгээр залраагүй, нүгэл хилэнцийг ч олж хараагүй байгаа учраас,
¹⁶тиймээс Иов амаа утгагүй хоосноор нээдэг.
Тэрээр мэдлэггүйгээр үгсээ олшруулдаг ажээ гэв.