20 ¹Дараа нь наамат хүн Зофар хариулан
²-Миний дотоод түгшүүрээс ч болж,
үүний улмаас зөрчилдсөн бодлууд минь намайг хариу хэлэхийг шаардаж байна.
³Намайг доромжилдог зэмлэлийг би сонссон бөгөөд
миний ойлголтын сүнс намайг хариулахад хүргэнэ.
⁴Дэлхий дээр хүн үүссэнээс буюу эртний үеэс дараах зүйлийг чи мэдэх үү?
⁵Хорон муу хүмүүсийн баясгалан богино болоод
бурхангүй хүмүүсийн баяр хөөр зуурдынх билээ.
⁶Хэдийгээр түүний ихэмсэг байдал тэнгэрүүдэд тулж,
толгой нь үүлсэд хүрдэг ч,
⁷тэрээр баастайгаа адил үүрд мөхдөг юм.
Түүнийг харсан хүмүүс “Тэр хаана байна вэ?” гэж хэлэх болно.
⁸Тэрээр зүүд мэт нисэн оддог бөгөөд
тэд түүнийг олж чаддаггүй.
Шөнийн үзэгдэл мэт тэрээр замхарч алга болсон.
⁹Түүнийг харсан нүд түүнийг дахин хардаггүй бөгөөд
орон байр нь ч түүнийг дахин үздэггүй.
¹⁰Үр хүүхдүүд нь ядуусаас тааллыг хайж,
өөрийнх нь гар эд баялгаа буцааж өгдөг.
¹¹Түүний яснууд залуу насных нь чадал тэнхээгээр дүүрэн байгаа боловч
тэдгээр нь түүний хамт шороонд хэвтдэг бөлгөө.

¹²Хэдийгээр бузар муу нь түүний аманд амттай ч,
тэрээр түүнийг хэлэн доороо нууцалж,
¹³тэрээр түүнийг хүсдэг бөгөөд түүнийгээ гаргадаггүй,
харин амандаа хадгалдаг.
¹⁴Түүний ходоодон дахь хоол нь түүний дотор наж могойн хор болж хувирсан.
¹⁵Тэрээр баялгийг залгидаг боловч тэднийг бөөлжин гаргах болно.
Бурхан тэднийг түүний гэдэснээс гаргана.
¹⁶Тэрээр наж могойнуудын хорыг сорж,
хорт могойн хэл түүнийг алдаг.
¹⁷Зөгийн бал болон сүү ээдмээр урсах гол буюу урсгалууд уруу тэрээр хардаггүй.
¹⁸Тэрээр олж авснаа буцаадаг бөгөөд залгидаггүй.
Түүний худалдааны хөрөнгөний хувьд гэвэл тэрээр хэрэглэж ч чаддаггүй юм.
¹⁹Учир нь тэрээр ядуусыг умартан дарласан билээ.
Тэрээр өөрийн барьж босгоогүй гэрийг эзлэн авсан билээ.

²⁰Тэрээр дотроо тайван байдлыг мэддэггүй байсан учраас
тэрээр хүссэн ямар ч юмыг хадгалдаггүй.
²¹Түүнд залгих юу ч үлддэггүй,
тиймээс түүний дэвшилт үүрдийнх биш ээ.
²²Элбэг хангалууныхаа дүүрэн байдалд тэрээр давчдах болно.
Гуниг зовлонтой хүн бүрийн гар түүний дээр ирнэ.
²³Түүнийг гэдсээ дүүргэх үед Бурхан Өөрийн ширүүн уураа түүн дээр илгээх бөгөөд
түүнийг идсээр байх үед түүний дээр уур хилэнгээ цутгана.
²⁴Тэрээр төмөр зэвсгээс зугтаж болох боловч
хүрэл нум түүнийг цоо хатгах болно.
²⁵Хэн нэгэн түүнийг татаж,
нуруунаас нь буюу цөснөөс нь гялбаж буй зэвийг гаргаж өгнө.
Түүн дээр аймшгууд ирж,
²⁶бүрэн харанхуй түүний эрдэнэст үлдсэн бөгөөд
унтаршгүй гал түүнийг залгина.
Тэр гал түүний майханд үлдэгсдийг шатаана.
²⁷Тэнгэрүүд түүний гэм бурууг илчилж,
газар дэлхий түүний эсрэг босох болно.
²⁸Түүний гэрийн үр жимс зайлуулагдах болно.
Түүний уур хилэнгийн өдөрт урсан одох болно.
²⁹Энэ бол Бурханаас өгөх хорон муу хүний хувь болоод
Бурханаар түүнд тогтоогдсон өв залгамжлал мөн гэв.