5 ¹Адамын удам угсааныхны түүх нь ийм ажгуу. Бурхан хүнийг бүтээхдээ Бурханы дүр төрхөөр ²эрэгтэй, эмэгтэй хүнийг бүтээжээ. Тэдний бүтээгдсэн өдөр Бурхан тэдэнд ерөөл хайрлан, тэднийг хүн хэмээн нэрлэжээ. ³Адам зуун гучин жил насалж, өөрийнхөө төрхтэй, өөрийнхөө дүртэй адилхан хүү төрүүлж, түүнийг Сет хэмээн нэрлэв. ⁴Адам Сетийг төрснөөс хойш найман зуун жил амьдарч, бас үр хүүхдүүдтэй болжээ. ⁵Адам есөн зуун гучин жил наслаад үхэв.
⁶Сет зуун таван настайдаа Еношийг төрүүлжээ. ⁷Еношийг төрүүлснээс хойш Сет найман зуун долоон жил амьдарч, үр хүүхдүүдтэй болжээ. ⁸Сет есөн зуун арван хоёр жил наслаад үхэв.
⁹Енош ерэн настайдаа Кенаныг төрүүлжээ. ¹⁰Кенаныг төрүүлснээс хойш Енош найман зуун арван таван жил амьдарч, үр хүүхдүүдтэй болжээ. ¹¹Енош есөн зуун таван жил наслаад үхэв.
¹²Кенан далан настайдаа Махалалелыг төрүүлжээ. ¹³Кенан Махалалелыг төрүүлснээс хойш найман зуун дөчин жил амьдарч, үр хүүхдүүдтэй болов. ¹⁴Кенан есөн зуун арван жил наслаад үхжээ.
¹⁵Махалалел жаран таван настайдаа Иаредыг төрүүлжээ. ¹⁶Махалалел Иаредыг төрүүлснээс хойш найман зуун гучин жил амьдарч, үр хүүхдүүдтэй болов. ¹⁷Махалалел найман зуун ерэн тав наслаад үхжээ.
¹⁸Иаред зуун жаран хоёр настайдаа Енохыг төрүүлжээ. ¹⁹Иаред Енохыг төрүүлснээс хойш найман зуун жил амьдарч, үр хүүхдүүдтэй болов. ²⁰Иаред есөн зуун жаран хоёр наслаад үхжээ.
²¹Енох жаран таван настайдаа Метуселаг төрүүлжээ. ²²Метуселаг төрүүлснээс хойш Енох гурван зуун жил Бурхантай хамт явж, үр хүүхдүүдтэй болжээ. ²³Енох гурван зуун жаран тав наслав. ²⁴Енох Бурхантай хамт явж байсан ба Бурхан түүнийг авч явсан учир тэрээр дэлхийд байсангүй.
²⁵Метусела зуун наян долоон настайдаа Ламехыг төрүүлжээ. ²⁶Ламехыг төрүүлснээс хойш Метусела долоон зуун наян хоёр жил амьдарч, үр хүүхдүүдтэй болжээ. ²⁷Метусела есөн зуун жаран ес наслаад үхэв.
²⁸Ламех зуун наян хоёр настайдаа хүү төрүүлжээ. ²⁹Ламех түүнийг Ноа гэж нэрлээд “ЭЗЭНий хараасан газар шороог хагалах хүнд хүчир ажил болон гарын маань хүнд хөдөлмөрөөс энэ хүү биднийг амраана” гэж хэлжээ. ³⁰Ноаг төрүүлснээс хойш Ламех таван зуун ерэн таван жил амьдарч, үр хүүхдүүдтэй болжээ. ³¹Ламех долоон зуун далан долоо наслаад үхэв.
³²Ноа таван зуун нас насалсны дараа Шем, Хам, Иафетыг төрүүлжээ.