²Иафетын хөвгүүд нь Гомер, Магог, Мадаи, Иаван, Тубал, Мешех, Тирас нар болой. ³Гомерын хөвгүүд нь Ашкеназ, Рифат, Тогарма болой. ⁴Иаваны хөвгүүд нь Елиша, Таршиш, Киттим, Доданим болой. ⁵Тэднээс өөр өөрсдийн хэл яриа, өөрсдийн ургуудын дагуу улс үндэстнээрээ тус тус далайн эрэг орчмын газар нутгаар оршин сууж байжээ.
⁶Хамын хөвгүүд нь Куш, Мизраим, Пут, Канаан нар болой. ⁷Кушийн хөвгүүд нь Себа, Хавила, Сабта, Раама, Сабтека нар болой. Раамагийн хөвгүүд нь Шеба, Дедан нар болой. ⁸Куш нь Нимродыг төрүүлсэн бөгөөд тэр нь газар дэлхий дээрх хүчирхэг нэгэн болжээ. ⁹Тэрээр ЭЗЭНий өмнө хүч чадалтай анчин байв. Тиймээс “ЭЗЭНий өмнө чадалтай анчин Нимрод шиг” гэсэн яриа бий болжээ. ¹⁰Түүний хаанчлал нь Шинарын газар нутаг дахь Бабел, Ерех, Аккад, Калнегаас эхэлжээ. ¹¹Тэрээр тэр нутгаасаа Ассирид хүрч очоод, Ниневе, Рехобот-Ир болон Калаг байгуулж, ¹²Ниневе болон Кала хоёрын хоорондох Ресен хэмээх их хотыг байгуулжээ. ¹³Мизраим нь лудчууд, анамчууд, лехабчууд, нафтухчууд, ¹⁴патрусчууд, каслучууд (тэднээс филистчүүд нь гарчээ), кафторчуудын эцэг болов.
¹⁵Канаан нь ууган хүү Сидон болон Хетийг төрүүлж, ¹⁶мөн иебусчууд, аморичууд, гиргашчууд, ¹⁷хивичүүд, аркичууд, синчүүд, ¹⁸арвадчууд, земарчууд, хаматчуудын өвөг дээдсийг төрүүлжээ. Түүний дараа Канааны ургууд өргөнөөр тархав. ¹⁹Канааны хил хязгаар Сидоноос эхлээд, Герарыг дайран Газ хүртэл, бас Содом, Гоморра, Адма, Зебойимыг өнгөрч, Лаша хүртэл үргэлжилж байжээ. ²⁰Тэдгээр нь ургууд, хэл аялгуугаараа, газар нутгаараа, үндэс угсаагаараа Хамын үр удмынхан болой.
²¹Шем нь Еберийн бүх үр удмын өвөг болон Иафетын ах бөгөөд түүнд ч мөн хүүхдүүд төржээ. ²²Шемийн хөвгүүд нь Елам, Ашур, Арпахшад, Луд, Арам нар болой. ²³Арамын хөвгүүд нь Уз, Хул, Гетер, Маш нар болой. ²⁴Арпахшад нь Шелаг төрүүлж, Шела нь Еберийг төрүүлжээ. ²⁵Еберт хоёр хөвгүүн төрсөн бөгөөд нэг нь дэлхий хуваагдах тэр үед төрсөн учир түүнд Пелег гэдэг нэр өгчээ. Пелегийн дүүгийн нэр нь Иоктан болой. ²⁶Иоктан нь Алмодад, Шелеф, Хазармавет, Иера, ²⁷Хадорам, Узал, Дикла, ²⁸Обал, Абимаел, Шеба, ²⁹Офир, Хавила, Иобаб нарыг төрүүлсэн бөгөөд тэд цөм Иоктаны хөвгүүд болой. ³⁰Тэдний оршин суух газар нь Мешагаас эхлээд Сефар хүрэх замын зүүн талын уулс болно. ³¹Тэдгээр нь ургуудаараа, хэл аялгуугаараа, газар нутгаараа, үндэстнээрээ Шемийн үр удмынхан болой.
³²Тэдний угийн бичгүүдийнх нь дагуу улс үндэстнээрээ Ноагийн ургууд юм. Эднээс үер болсноос хойш газар дэлхий дээр үндэстнүүд тархжээ.