8 ¹Бениамин нь ууган хүү Бела, удаах хүү Ашбел, гуравдугаар хүү Ахара, ²дөрөвдүгээр хүү Ноха, тавдугаар хүү Рафа нарын эцэг болов. ³Бела хөвгүүдтэй байсан бөгөөд тэднийг Аддар, Гера, Абихуд, ⁴Абишуа, Нааман, Ахоа, ⁵Гера, Шефуфан, Хурам гэдэг байв. ⁶Ехүдийн хөвгүүд нь дараах болой. Тэд Гебад амьдардаг гэр бүлийн захирагчид бөгөөд Геба иргэдийг Манахат уруу олзлон аваачжээ. ⁷Тэднийг нэрлэвэл Нааман, Ахиа, Гера бөгөөд тэднийг олзлон аваачсан Гера нь Узза, Ахихуд нарын эцэг болжээ. ⁸Шахараим нь Хушим, Баара хэмээх өөрийн эхнэрүүдийг явуулсны дараа Моаб газарт хүүхдүүдтэй болов. ⁹Тэр өөрийн эхнэр Ходешаар дамжуулан Иобаб, Зибиа, Меша, Малкам, ¹⁰Иеуз, Сахиа, Мирма нарын эцэг болов. Түүний хөвгүүд нь тэдгээр гэрийн захирагчид болой. ¹¹Бас Шахараим нь эхнэр Хушимаараа дамжуулан Абитуб, Елпаал нарын эцэг болов. ¹²Елпаалын хөвгүүд нь Ебер, Мишам, Шемед нар юм. Оно, Лод болон түүний тосгодыг Шемед байгуулав. ¹³Мөн Бериа, Шема нь Аиалонд амьдардаг гэр бүлүүдийн захирагчид бөгөөд тэд Гатын оршин суугчдыг хөөн гаргажээ. ¹⁴Мөн Ахио, Шашак, Иеримот, ¹⁵Зебадиа, Арад, Едер, ¹⁶Михаел, Ишпа, Иоха нар нь Бериагийн хөвгүүд болой. ¹⁷Зебадиа, Мешуллам, Хизки, Хебер, ¹⁸Ишмераи, Излиа, Иобаб нар нь Елпаалын хөвгүүд болой. ¹⁹Иаким, Зихри, Забди, ²⁰Елиенаи, Зиллетаи, Елиел, ²¹Адаиа, Бераиа, Шимрат нар нь Шимеигийн хөвгүүд болой. ²²Ишпан, Ебер, Елиел, ²³Абдон, Зихри, Ханан, ²⁴Хананиа, Елам, Антотиа, ²⁵Ифдеиа, Пенуел нар нь Шашакийн хөвгүүд болой. ²⁶Шамшраи, Шехариа, Аталиа, ²⁷Иаарешиа, Елиа, Зихри нар нь Иерохамын хөвгүүд болой. ²⁸Тэд удмынхаа дагуу тус тусын гэрийн захирагчид бөгөөд эдгээр захирагчид нь Иерусалимд амьдарч байв.
²⁹Гибеоны эцэг Иеиел нь Гибеонд амьдарсан бөгөөд түүний эхнэрийн нэр нь Маака болой. ³⁰Түүний ууган хүү нь Абдон бөгөөд удаах нь Зур, Киш, Баал, Надаб, ³¹Гедор, Ахио, Зехер нар болой. ³²Миклот нь Шимеагийн эцэг болов. Мөн тэд өөрсдийн ах дүүсийн хамт өөр бусад хамаатнуудынхаа зэргэлдээ Иерусалимд амьдрав. ³³Нер Кишийн эцэг болж, Киш нь Саулын эцэг болж, Саул нь Ионатан, Малхи-шуа, Абинадаб, Ешбаал нарын эцэг болсон юм. ³⁴Ионатаны хүү нь Мериб-баал бөгөөд Мериб-баал нь Микагийн эцэг болов. ³⁵Микагийн хөвгүүд нь Питон, Мелек, Тареа, Ахаз нар болой. ³⁶Ахаз нь Иехоаддагийн эцэг болж, Иехоадда нь Алемет, Азмавет, Зимри нарын эцэг болж, Зимри Мозагийн эцэг болов. ³⁷Моза нь Бинеагийн эцэг болсон юм. Бинеагийн хүү нь Рафа, түүний хүү нь Елеаса, түүний хүү нь Азел болой. ³⁸Азел зургаан хүүтэй болсон бөгөөд тэдний нэрс нь Азрикам, Бохеру, Ишмаел, Шеариа, Обадиа, Ханан юм. Эд бүгд Азелын хөвгүүд юм. ³⁹Түүний дүү Ешекийн хөвгүүдийн ууган нь Улам, хоёрдугаарх нь Иеуш, гуравдугаарх нь Елифелет болой. ⁴⁰Уламын хөвгүүд нь сайн харваач зоригтой баатар эрчүүд бөгөөд олон хүү, ач нартай бөгөөд тэдгээр нь бүгд зуун тавин хүн байв. Эдгээр нь бүгд Бениамины хөвгүүд болой.