24 ¹Аароны үр удмын бүлгүүд гэвэл, Аароны хөвгүүд нь Надаб, Абиху, Елеазар, Итамар нар байв. ²Гэвч Надаб, Абиху нар эцгээсээ өмнө нас барж үр хүүхэдгүй байв. Елеазар, Итамар нар тахилч нар болон үйлчлэв. ³Давид Елеазарын удмын Задок, Итамарын удмын Ахимелех нартай хамт тэднийг үйлчлэлийн дагуу ажлуудад нь хуваажээ. ⁴Елезарын удмынханд Итамарын удмынхнаас илүү олон тэргүүлэгч эрс байсан тул тэднийг хуваарилахдаа тэд Елеазарын удмынхны эцгүүдийн бүлүүдэд арван зургаан тэргүүн, Итамарын удмынхны эцгүүдийн бүлүүдийн дагуу найман тэргүүн оноов. ⁵Тэд Итамарын үр удам болон Елеазарын үр удамд хоёуланд нь Бурханы түшмэд ба ариун газрын түшмэд байсан учир эн тэнцүү шодож хуваав. ⁶Левичүүдээс гаралтай, гүүш Нетанелын хүү Шемаиа тэднийг хаан, жононгууд, тахилч Задок, Абиатарын хүү Ахимелех, тахилч нар болон левичүүдийн эцгүүдийн бүлүүдийн тэргүүнүүдийн өмнө тэмдэглэсэн билээ. Елеазарынхаас нэг эцгийн бүл, Итамарынхаас нэг эцгийн бүлийг авчээ.
⁷Анхны шавга Иехоиариб дээр ирж, хоёрдугаарх нь Иедаиа, ⁸гуравдугаарх нь Харим, дөрөвдүгээрх нь Сеорим, ⁹тавдугаарх нь Малхийа, зургадугаарх нь Миамин, ¹⁰долдугаарх нь Хаккоз, наймдугаарх нь Абиа, ¹¹есдүгээрх нь Иешуа, аравдугаарх нь Шеканиа, ¹²арван нэгдүгээрх нь Елиашиб, арван хоёрдугаарх нь Иаким, ¹³арван гуравдугаарх нь Хуппа, арван дөрөвдүгээрх нь Иешебеаб, ¹⁴арван тавдугаарх нь Билга, арван зургадугаарх нь Иммер, ¹⁵арван долдугаарх нь Хезир, арван наймдугаарх нь Хаппиззез, ¹⁶арван есдүгээрх нь Петахиа, хорьдугаарх нь Иехезкел, ¹⁷хорин нэгдүгээрх нь Иакин, хорин хоёрдугаарх нь Гамул, ¹⁸хорин гуравдугаарх нь Делаиа, хорин дөрөвдүгээрх нь Маазиа дээр буув. ¹⁹Эдгээр нь тэднийг ЭЗЭНий өргөө дотор орох үед тэдний үйлчилгээний үүргүүд байсан бөгөөд тэдний өвөг эцэг Ааронд Израилийн Бурхан ЭЗЭНий тушаасны дагуу түүгээр дамжуулан тэдэнд өгөгдсөн зааврын дагуу байв.
²⁰Левийн хөвгүүдийн бусад нь гэвэл Амрамын хөвгүүдээс гаралтай Шубаел, Шубаелын хөвгүүдээс гаралтай Иедеиа байв. ²¹Рехабиагаас, Рехабиагийн хөвгүүдээс ууган нь Исшиа юм. ²²Изхарчуудаас, Шеломот, Шеломотын хөвгүүдээс Иахат байв. ²³Хеброны хөвгүүд гэвэл, ууган нь Иериа, хоёрдугаарх нь Амариа, гуравдугаарх нь Иахазиел, дөрөвдүгээрх нь Иекамеам юм. ²⁴Уззиелийн хөвгүүдээс Мика, Микагийн хөвгүүдээс Шамир болой. ²⁵Микагийн дүү Ишшиа, Ишшиагийн хөвгүүдээс Зехариа юм. ²⁶Мерарийн хөвгүүдээс Махли, Муши нар болой. Иазиагийн хөвгүүдээс Бено юм. ²⁷Мерарийн хөвгүүдээс, Иазиагаар Бено, Шохам, Заккур, Ибри нар байв. ²⁸Махлигаар Елеазар бөгөөд тэрээр хөвгүүдгүй байв. ²⁹Кишээр, Кишийн хөвгүүд, Иерамеел байв. ³⁰Мушийн хөвгүүдээс Махли, Едер, Иеримот нар байв. Эдгээр нь эцгүүдийнхээ бүлүүдийн дагуу Левийн хөвгүүд болой. ³¹Эд ч бас тэдний төрөл садан болох Аароны хөвгүүдийн адилаар Давид хаан, Задок, Ахимелех, тахилч нар болон левичүүдийн эцгүүдийн бүлүүдийн тэргүүнүүдийн өмнө шоджээ. Эцгүүдийн бүлийн тэргүүлэгч ч бай, түүний дүү нараас ч бай бүгд адил шодоцгоов.